جعلی تبدیلی والوں کے وزراء اعلیٰ کی 12سالہ کارکردگی مریم نواز کی ایک سال کی کارکردگی کے بھی برابر نہیں:عظمیٰ بخاری

لاہور( نمائندہ خصوصی) وزیر اطلاعات پنجاب عظمٰی بخاری نے کہا ہے کہ جعلی تبدیلی والوں کے وزرائاعلیٰ کی 12سالہ کارکردگی مریم نواز کی ایک سال کی کارکردگی کے بھی برابر نہیں ہے۔ خیبرپختونخواہ کا سارا خزانہ بوگس پروجیکٹس اور جلسوں کے اخراجات کے رحم و کرم پر ہے۔علی امین گنڈا پور کی کرپشن پر پہلے عاطف خان اور جنید اکبر نے سوالات اٹھائے تھے۔اب اعظم سواتی نے سنگین الزامات لگائے ہیں اور سپیکر کے پی اسمبلی نے کرپشن پر تحقیقات کا خط لکھ دیا ہے۔ جو پیسہ پختونوں کی فلاح و بہبود پر خرچ ہونا وہ ریوڑیوں کی طرح بانٹا جارہا ہے۔ وزیر اطلاعات نے مزید کہا کہ علی امین کے مریم نواز پر ذاتی حملوں کا پورا ریکارڈ موجود ہیں۔علی امین نے ایسا پہلی بار نہیں متعدد بار مریم نواز سے متعلق گھٹیا پن کا مظاہرہ کرچکا ہے۔ انکا کہنا تھا کہ بشری بی بی کی فرنٹ لیڈی و ترجمان نے اپنی الگ دکان لگائی ہوئی ہے۔اب خیبرپختونخواہ میں کرپشن کی تحقیقات کیلئے فورس بھی بنانے کا قانون لانے لگے ہیں۔ پنجاب کے ساتھ 4 سال جو سوتیلی ماں والا سلوک کیا مریم نواز وہ محرومیاں ختم کررہی ہیں۔ آج پنجاب کے لوگ مریم نواز کو دعائیں دے رہے اور انکا شکریہ ادا کررہے ہیں۔جو عوام کے مینڈیٹ سے اقتدار میں آتے وہی عوام کے مسائل حل کرتے ہیں۔