پاکستان سمیت دنیا بھر میں ریڈیو کا عالمی دن جمعرات کو منایا جائے گا

فیصل آباد (نمائندہ خصوصی):پاکستان سمیت دنیا بھر میں ریڈیو کا عالمی دن 13فروری (بروز جمعرات )منایا جائے گا، یہ دن منانے کا مقصد ٹیکنالوجی کے جدید دور میں خبروں اور معلومات کے حصول کےلئے ریڈیو کی اہمیت اجاگر کرنا ہے۔اس دن کے حوالے سے پاکستان کے تمام ریڈیو سٹیشنز سے مختلف پروگرام نشر کیے جائیں گے۔ ملک میں اس وقت اسلام آباد،لاہور،کراچی،فیصل آباد، پشاور، راولپنڈی، گوجرانوالہ، کوئٹہ،سرگودھا،حیدر آباد، بہاولپور اور ملتان سمیت دیگر شہروں میں ریڈیو اور ایف ایم کےعلاقائی سٹیشن قائم ہیں جہاں سے مختلف علاقائی،معلوماتی،کرنٹ افیئرز اور دیگر پروگرام نشر کیے جاتے ہیں۔ترقی کے جدید دور میں آج بھی ریڈیو کی اہمیت میں کوئی کمی واقع نہیں ہوئی ، شہروں سے دور دراز واقع علاقوں میں آج بھی خبروں اور معلومات کے حصول کےلئے ریڈیو ہی عوام میں بے پناہ مقبول ہے۔