لاہور( نمائندہ خصوصی) پاکستان مسلم لیگ (ن) کے صدر محمد نواز شریف اور وزیراعلیٰ پنجاب مریم نوازشریف سے ارکان پنجاب اسمبلی نے ملاقات کی۔ لاہور ڈویژن سے تعلق رکھنے والے ارکان پنجاب اسمبلی ملاقات کرنے والوں میں شامل تھے۔ملاقات میں عوامی فلاح کے منصوبوں اور مستقبل کی سیاسی حکمت عملی پر مشاورت کی گئی۔ اجلاس کے شرکاء نے پنجاب میں ترقیاتی کاموں اور عوامی منصوبوں پر بھی وزیراعلیٰ مریم نوازشریف کو خراج تحسین پیش کیا۔ ستھرا پنجاب، کسان کارڈ، گرین ٹریکٹر سکیم اورجدید زرعی مشینری، سکالرشپ پروگرام کی فراہمی، سڑکوں کی تعمیر و بحالی، دھی رانی پروگرام، 
بنیادی و دیہی مراکز اور صحت کے پورے نظام کی اپ گریڈیشن پر وزیر اعلیٰ مریم نوازشریف کے اقدامات کو سراہا۔ قائد نواز شریف نے ارکان اسمبلی سے گفتگو کرتے ہوئے کہا کہ اللہ کرے ہم ایک بار پھر ٹیک آف کرسکیں۔ شہباز شریف بہت محنت کر رہے ہیں۔ لاہور اور پنجاب میں بہت عرصے بعد عوام میں خوشی اور اطمینان نظر آ رہا ہے۔ اللہ تعالیٰ کا شکر ادا کرتے ہوئے محنت سے عوام کی خدمت کا سفر جاری رکھنا ہے۔ قائد محمد نوازشریف نے کہا کہ اللہ تعالیٰ نے برکت ڈالی ہے اور بھیڈالے گا۔ اللہ تعالیٰ نے تیزی سے گڑھے میں گرتے ملک اور قوم کو بچا لیا۔ زندگی میں بہت اتار چڑھاؤ دیکھے ہیں۔ مسلم لیگ (ن) آتی ہے تو ملک میں ترقی آتی ہے۔ ڈی ریل نہ کیا جاتا تو آج پاکستان کہیں آگے ہوتا۔ 1990ء کا سفر جاری رہتا تو پاکستان ترقی کے سفر میں آج کہیں آگے کھڑا ہوتا۔ مہنگائی میں کمی سے عوام کو سکھ کا کچھ سانس آیا ہے۔ محمد نوازشریف نے کہا کہ پالیسی ریٹ 22 سے کم ہو کر 12 فی صد پر آنا معاشی بہتری کی علامت ہے۔ ارکان اسمبلی نے ملاقات میں اظہار خیال کرتے ہوئے کہاایک سال میں صوبہ پنجاب کا ہر شعبہ ترقی کی طرف گامزن ہوا ہے۔ مریم نواز شریف پنجاب کا فخر ہے۔ وزیراعظم شہباز شریف اور وزیر اعلی مریم نواز شریف نے پاکستان کی ترقی اور عوام کی خدمت کی ایک نئی روشن مثال قائم کی ہے۔ ارکان اسمبلی نے کہا کہ آپ کی اور شہباز شریف کی روایات جس شاندار طریقے سے چل رہی ہیں، وہ بے مثال ہے۔ ہمیشہ مسلم لیگ (ن) کے دور میں ہی ثقافت کو ترقی ملتی ہے۔ آپ جب جب آتے ہیں مسلم لیگ(ن) آتی ہے، ملک کو ترقی، روشی، خوشیاں اور رنگ ملتے ہیں۔ ارکان اسمبلی نے مزید کہا کہ مریم نواز نے نظام کی بے مثال اصلاح کی۔پنجاب میں ای ٹینڈرنگ کا شفاف نظام شروع کیا گیا۔ میرٹ پر یکساں اور معیاری ترقی کاسفر آگے بڑھ رہا ہے۔ واہگہ ٹورازم کوریڈور کی تعمیر بے مثال ہے۔ پنجاب کی خوشیاں واپس آ رہی ہیں۔وزیراعلیٰ مریم نوازشریف نے ارکان اسمبلی سے اظہار خیال کرتے ہوئے کہا کہ نواز شریف اور شہباز شریف کا نام آئے تو عوام 
کی خدمت کی مثال بننا ہی پڑتا ہے۔ اللہ تعالیٰ کے فضل سے نواز شریف پاکستان کی ترقی کا نام ہے، اور ہم سب اِن کے سپاہی ہیں۔ پارٹی کے سینئر رہنما سینیٹر پرویز رشید، رانا ثناء اللہ، پنجاب کی سینئر وزیر مریم اورنگزیب اور راشد نصر اللہ بھی اجلاس میں موجود تھے۔ سمیع اللہ خان، غزالی سلیم بٹ، محمد ریاض، مجتبیٰ شجاع الرحمن، خواجہ عمران نذیر، سہیل شوکت بٹ، ملک محمد وحید، خواجہ سلمان رفیق، ملک غلام حبیب اعوان اور چوہدری محمد نواز بھی اجلاس میں شریک ہوئے۔ ملک اسد علی کھوکھر، ملک شہباز علی کھوکھر، عمران جاوید، رانا راشد منہاس، محمد انس محمود، عرفان شفیع کھوکھر، بلال یاسین، مرغوب احمد، ملک فیصل ایوب کھوکھر ملاقات کرنے والوں میں شامل تھے۔
قائد محمد نواز شریف اور وزیراعلیٰ مریم نوازسے ارکان پنجاب اسمبلی کی ملاقات، ترقیاتی منصوبوں اور مستقبل کی سیاسی حکمت عملی پر مشاورت
ارکان اسمبلی کاستھرا پنجاب، کسان کارڈ، گرین ٹریکٹر سکیم،دھی رانی، سکالرشپ پروگرامز، سڑکوں کی بحالی، صحت کے نظام کی اپ گریڈیشن پر وزیراعلیٰ مریم نواز کو خراج تحسین شہباز شریف اور مریم نوازبہت محنت کر رہے ہیں، پنجاب میں بہت عرصے بعد عوام میں خوشی اور اطمینان نظر آ رہا ہے: صدر مسلم لیگ(ن) محمد نوازشریف نواز شریف اور شہباز شریف کا نام آئے تو خدمت کی مثال بننا ہی پڑتا ہے، اللہ کے فضل سے نواز شریف پاکستان کی ترقی کا نام ہے اور ہم سب اِن کے سپاہی ہیں: مریم نواز
آج کی سب سے زیادہ پڑھی جانے والی خبریں
ہماری ویب سائٹ پر تازہ ترین خبریں حاصل کریں۔
