وزیراعلیٰ پنجاب مریم نواز عوام کی آواز چیف منسٹر کمپلینٹ سیل کا شہری کا مسئلہ 24گھنٹے میں حل، کوٹ ادو کے ذیشان افضل کا وراثت سے متعلق معاملہ ایک سال سے حل طلب تھا

لاہور(نمائندہ خصوصی) وزیراعلیٰ پنجاب مریم نوازشریف کے قائم کردہ چیف منسٹر کمپلینٹ سیل نے شہری کا مسئلہ 24گھنٹے کے اندر حل کردیا ہے۔ کوٹ ادو کے ذیشان افضل کا وراثت سے متعلق معاملہ ایک سال سے حل طلب تھا۔ ذیشان افضل نے چیف منسٹر کمپلینٹ سیل میں شکایت درج کرائی تھی۔ وزیراعلیٰ کمپلینٹ سیل کے چیئرمین شعیب مرزا نے فوری ایکشن لیتے ہوئے کوٹ ادو کے ریونیو آفس کو ذیشان افضل کے وراثت کے مسئلے کو فوری حل کرنے کی ہدایت کی۔ چیف منسٹر کمپلینٹ سیل کی ہدایت پر ریونیو آفس کوٹ ادو نے ذیشان افضل کی وراثت کا مسئلہ 24گھنٹے میں حل کر دیا۔ کوٹ ادو کے ذیشان افضل نے وزیراعلیٰ مریم نوازشریف کو خراج تحسین پیش کیا اور شکریہ بھی ادا کیا۔ ذیشان افضل نے بتایا کہ کوٹ ادو کے ریونیو آفس کے چکر لگالگا کر تھک چکا تھا،چیف منسٹر کمپلینٹ سیل نے معاونت کی۔ مسئلہ حل کرانے پر وزیراعلیٰ مریم نوازشریف اوران کی ٹیم کا شکریہ ادا کرتا ہوں۔