یوم یکجہتی کشمیر کے موقع پر چئیرپرسن چائلڈ پروٹیکشن بیورو اور ممبر صوبائی اسمبلی پنجاب سارہ احمد کا خصوصی پیغام

لاہور( نمائندہ خصوصی) 5 فروری کو پوری قوم یوم یکجہتی کشمیر کے طور پر مناتی ہے تاکہ اپنے کشمیری بھائیوں اور بہنوں کے ساتھ یکجہتی کا اظہار کیا جا سکے۔ اس موقع پر چیئرپرسن چائلڈ پروٹیکشن بیورو، سارہ احمد نے اپنے خصوصی پیغام میں کہا کہ کشمیر پاکستان کی شہ رگ ہے اور ہم اپنے کشمیری بہن بھائیوں کی بھارتی مظالم کے خلاف جدوجہد کو خراج تحسین پیش کرتے ہیں۔ ہم کشمیری عوام کو ان کا حق خود ارادیت دلوانے تک ہر ممکن حمایت جاری رکھیں گے۔ سارہ احمد نے کہا کہ مسئلہ کشمیر کو عالمی سطح پر اجاگر کرنے کے لیے ہر ممکن کوششیں کی جائیں گی اور ہم کشمیری عوام کے ساتھ اپنے عزم کو دہراتے ہیں۔ ہم نہتے کشمیری مسلمانوں پر بھارتی فوج کے مظالم کی شدید مذمت کرتے ہیں اور کشمیری قائدین کی جدوجہد اور معصوم بچوں کی جرات کو سلام پیش کرتے ہیں۔آخر میں انہوں نے امید ظاہر کی کہ کشمیریوں کی عظیم قربانیوں کی بدولت بہت جلد کشمیر آزاد ہو جائے گا اور کشمیری عوام کو ان کا جائز حق ملے گا۔