فیصل آباد(نمائندہ خصوصی)دنیا کی کم عمر ترین مائیکرو سافٹ سرٹیفائیڈ ارفع کریم کا 30 واں یوم پیدائش آج منایا جا رہا ہےٹیکنالوجی کی دنیا میں تاریخ رقم کرنے والی ارفع کریم فیصل آباد کے ایک نزدیکی گاؤں رام دیوالی میں 2 فروری 1995ء کو 
پیدا ہوئیں غیر معمولی ذہانت اور صلاحیتوں کے بل بوتے پر ارفع کریم نے صرف 9 سال کی عمر میں 2004 میں مائیکروسافٹ سرٹیفائیڈ پروفیشنل بن کر سب کو حیران کر دیااس موقع پر ان کی مائیکروسافٹ کے بانی بل گیٹس کے ساتھ ملاقات بھی ہوئی ارفع کریم نے اپنے ملک میں تعلیم اور جدیدیت کے فروغ کیلئے کام کیاارفع کریم کی کامیابیوں کے اعزاز میں لائل پور میوزیم میں 
ان کی ذاتی اشیاء نمائش کیلئے رکھی گئی ہیں، جن میں وہ لیپ ٹاپ بھی شامل ہے جس پر انہوں نے مائیکروسافٹ سرٹیفکیشن حاصل کی ان کے ذاتی نوٹس دستاویزات اور دیگر اشیاء بھی میوزیم کا حصہ ہیں جنہیں دیکھ کر طلبہ میں بھی کچھ کر گزرنے کا جوش پیدا ہوتا ہےمنتظمین کے مطابق ارفع کریم کے زیر استعمال رہنے والی اشیاء لائل پور میوزیم کا حصہ ہونا نہ صرف اعزاز کی بات ہے بلکہ دیکھنے والوں کے لئے مشعل راہ بھی ہے
کم عمر ترین مائیکروسافٹ سرٹیفائیڈ ارفع کریم کا 30 واں یوم پیدائش
