لاہور(کرائم رپورٹر)والدین نے غیرت کے نام پر اپنی ہی بیٹی پر گولیاں برسا دیں، جس سے زخمی ہونے والی 20 سالہ شمائلہ کو اسپتال منتقل کردیا گیاصوبائی دارالحکومت کے علاقے ہنجروال میں غیرت کے نام پر بیٹی کو قتل کرنے کی کوشش کا واقعہ پیش 
آیا جس میں شدید زخمی حالت میں 20 سالہ شمائلہ کو طبی امداد کے لیے اسپتال منتقل کر دیا گیا ہےپولیس کے مطابق شمائلہ کو اس کے والد فیاض والدہ مسرت بی بی اور 2چچاؤں نے منصوبہ بندی کے ساتھ گولیاں مار کر شدید زخمی کیا واقعے 
کا مقدمہ تھانہ ہنجروال کے سب انسپکٹر انتظار حسین کی مدعیت میں درج کیا گیا ہےایس ایچ او کے مطابق والد والدہ اور دونوں چچاؤں کو پولیس نے گرفتار کر لیا ہے اور ملزمان سے پستول بھی برآمد کر لیا گیا ہے ملزمان نے پسند کی شادی کرنے پر شمائلہ کو قتل کرنے کی کوشش کی جن سے مزید تفتیش کی جا رہی ہے
لاہور:غیرت کے نام پر والدین نے بیٹی پر گولیاں برسا دیں 20 سالہ شمائلہ اسپتال منتقل
شمائلہ کو پسند کی شادی کرنے پر قتل کرنے کی کوشش کی گئی، پولیس کی مدعیت میں مقدمہ درج
