راولپنڈی(نمائندہ خصوصی):وفاقی وزیر برائے داخلہ وانسداد منشیات محسن نقوی نے اے این ایف ہیڈکوارٹرز راولپنڈی کا دورہ کیا ۔ اے این ایف ہیڈکوارٹر راولپنڈی سے جمعرات کو جاری بیان کے مطابق ڈائریکٹر جنرل اے این ایف میجر جنرل عبد المعید، ہلال امتیاز (ملٹری)نے ان کا استقبال کیا۔وفاقی وزیر کو اے این ایف کی طرف سے سال 2024کے دوران منشیات کی سمگلنگ کے خلاف 
حاصل کی گئی کامیابیوں کے بارے میں تفصیلی بریفنگ دی گئی۔وفاقی وزیر نے منشیات اسمگلنگ کے انسداد کے لئے اے این ایف کی کاوشوں کو سراہا۔انہوں نے ملک میں منشیات کے استعمال کے بڑھتے رجحان اور درپیش مسائل کا ادراک کرتے ہوئے اے این ایف کی کاوشوں کی تعریف کی۔آخر میں وفاقی وزیر نے تعلیمی اداروں کے طلبا اور نوجوان نسل کو منشیات فروشی میں ملوث عناصرکے خلاف اے این ایف کی جاری خصوصی مہم کی خاص طور سے تعریف کی۔وفاقی وزیر نے منشیات کے مسئلے سے موثر طریقے سے نمٹنے کی غرض سے محکمے کی پیشہ ورانہ ضروریات پوری کرنے کیلئے ڈی جی اے این ایف کو بھرپور تعاون کا یقین دلایا۔
وفاقی وزیر برائے داخلہ و انسداد منشیات کا اے این ایف ہیڈکوارٹرز راولپنڈی کا دورہ
