راولپنڈی۔(نمائندہ خصوصی):خیبر پختونخوا کے مختلف علاقوں میں دہشت گردوں کے خلاف آپریشنز کے دوران شہید ہونے والے پاک فوج کے 3 جوانوں کو سپرد خاک کر دیا گیا۔ آئی ایس پی آر کے مطابق 6 اور 7 جنوری 2025 کو ضلع کرک میں فتنہ الخوارج کے دہشت گردوں کے خلاف دوران آپریشن شدید فائرنگ کے تبادلے میں جام شہادت نوش کرنے والے لانس حوالدار عباس علی شہید 
(عمر 38 سال، ساکن ضلع غذر)، نائیک محمد نذیر شہید (عمر 37 سال، ساکن ضلع سکردو) اور نائیک محمد عثمان شہید (عمر 37 سال، ساکن ضلع اٹک) کو آبائی علاقوں میں مکمل فوجی اعزاز کے ساتھ سپرد خاک کر دیا گیا ہے۔نماز جنازہ میں پاک فوج کے سینئر افسران، جوانوں، شہداء کے لواحقین اور عمائدین علاقہ کی بڑی تعداد نے شرکت کی۔ آئی ایس پی آر کا کہنا ہےکہ پاکستان کی سکیورٹی فورسز دہشت گردی کی لعنت کو ختم کرنے کے لیے پرعزم ہیں، ہمارے شہداء کی یہ عظیم قربانیاں دہشت گردی کے خلاف جنگ میں ہمارے عزم کو مزید تقویت بخشتی ہیں۔
دہشت گردوں کے خلاف آپریشنز کے دوران شہید ہونے والے پاک فوج کے 3 جوانوں کو سپرد خاک کر دیا گیا
آج کی سب سے زیادہ پڑھی جانے والی خبریں
ہماری ویب سائٹ پر تازہ ترین خبریں حاصل کریں۔
