اسلام آباد۔(نمائندہ خصوصی):وزیراعظم محمد شہباز شریف نے پاکستان -تاجکستان جوائنٹ کمیشن کے اجلاس کے دوران دونوں ممالک کے درمیان مختلف شعبوں میں تعاون میں پیشرفت پر اطمینان کا اظہار کرتے ہوئے دونوں ممالک کے درمیان روابط مزید بہتر بنانے اور تعاون بڑھانے پر زور دیا ہے۔ وزیراعظم آفس کے پریس ونگ سے جاری بیان کے مطابق وزیراعظم محمد شہباز شریف سے تاجکستان کے وزیر برائے توانائی دلیر جمعہ، جو پاکستان -تاجکستان جوائنٹ کمیشن میں شرکت کے لئے پاکستان کے دورہ پر ہیں 
، نے جمعہ کو یہاں ملاقات کی۔ وزیراعظم نے انہیں پاکستان میں خوش آمدید کہتے ہوئے پاکستان -تاجکستان جوائنٹ کمیشن کے اجلاس کے دوران دونوں ممالک کے درمیان مختلف شعبوں میں تعاون میں پیشرفت پر اطمینان کا اظہار کیا۔اپنے دورہ تاجکستان اور تاجک صدر امام علی رحمان سے ریاض اور باکو میں اپنی حالیہ ملاقاتوں کا ذکر کرتے ہوئے وزیراعظم نے تاجک صدر کے لئے نیک خواہشات کا اظہار کیا اور امید ظاہر کی کہ تاجکستان کے صدر جلد پاکستان کا دورہ کریں گے۔وزیراعظم نے اپنے دورے کے دوران دونوں ممالک کے درمیان طے پانے والی مفاہمتی یادداشتوں/معاہدوں پر اطمینان کا اظہار کرتے ہوئے زور دیا کہ ان پر بروقت عملدرآمد سے دوطرفہ تعلقات کو مزید مضبوط بنانے میں مدد ملے گی۔تاجکستان کے وزیر نے پاکستان میں استقبال اور مہمان نوازی پر وزیراعظم کا شکریہ ادا کیا اور دونوں ممالک کے درمیان روابط مزید بہتر بنانے اور تعاون بڑھانے پر زور دیا۔ملاقات میں کاسا-1000 سمیت علاقائی روابط کے دیگر منصوبے بھی زیر بحث آئے۔
وزیراعظم محمد شہباز شریف کا پاکستان -تاجکستان جوائنٹ کمیشن کے اجلاس کے دوران دونوں ممالک کے درمیان مختلف شعبوں میں تعاون میں پیشرفت پر اظہار اطمینان
پچھلی پوسٹ
صدر مملکت آصف علی زرداری کا خیبرپختونخوا اور بلوچستان میں مختلف آپریشنز کے دوران 43 دہشت گرد جہنم واصل کرنے پر سکیورٹی فورسز کو خراج تحسین
اگلی پوسٹکنگ سلمان ریلیف سینٹر ایک سال کے دوران پاکستان میں 1,47,500 فوڈ پیکج تقسیم کرے گا، ریلیف سینٹر کا فوڈ سکیورٹی سپورٹ پروجیکٹ شروع کرنے کا اعلان
Please login to join discussion
آج کی سب سے زیادہ پڑھی جانے والی خبریں
ہماری ویب سائٹ پر تازہ ترین خبریں حاصل کریں۔
