دین اسلام انسانی حقوق کا سب سے بڑا داعی ہے، وزیر اعلی مریم نواز کا انسانی حقوق کے عالمی دن پر پیغام

لاہور(نمائندہ خصوصی)انسانی حقوق کے عالمی دن پر وزیر اعلی پنجاب مریم نواز نے اپنے پیغام میں کہا ہے کہ ہر انسان رنگ، نسل، مذہب، جنس یا حیثیت سے بالاتر انسانی حقوق رکھتا ہے۔دین اسلام انسانی حقوق کا سب سے بڑا داعی ہے۔انہوں نے کہا کہ انسانی حقوق کا احترام معاشرے کی ترقی، خوشحالی کا سنگِ بنیاد ہے۔ انسانی حقوق کا تحفظ اور فروغ مسلم لیگ (ن) کا وژن اور اولین ترجیح ہے۔تعلیم، صحت، مذہبی آزادی، اظہارِ رائے اور بنیادی ضروریات تک رسائی یقینی بنا رہے ہیں۔وزیر اعلی مریم نواز نے کہا کہ حکومت پنجاب انسانی حقوق کی پاسداری کے لئے سرگرم عمل ہے۔ایسے معاشرے کی تشکیل چاہتے ہیں جہاں ہر شہری کو مساوی مواقع، انصاف اور عزت حاصل ہو۔ انسانی حقوق کے تحفظ کے لئے معاشرے میں محبت، احترام اور رواداری کو فروغ دیں،یہی راستہ خوشحالی کی طرف جاتا ہے۔