بلوچستان میں شدید سردی، میدانی علاقوں میں پانی جم گیا۔

 مستونگ( نمائندہ خصوصی)بلوچستان میں شدید سردی کی وجہ سے مستونگ سمیت میدانی علاقوں میں پانی جم گیا۔محکمہ موسمیات کے مطابق مستونگ کے شمالی اور وسطی علاقوں میں ہوائیں چلنے سے موسم شدید سرد ہو گیا ہے۔محکمہ موسمیات نے بتایا کہ مستونگ میں درجہ حرارت منفی 3 ریکارڈ کیا گیا ہے۔محکمہ موسمیات کے مطابق شدید سردی سے دھند اور گرد آلود ہوا کے باعث معمولاتِ زندگی متاثر ہوگئے۔قلات شہر اور گرد و نواح میں یخ بستہ ہوائیں چل رہی ہیں۔قلات میں شدید سردی میں گیس غائب ہونے اور بجلی کی غیر اعلانیہ لوڈشیڈنگ سے معمولات زندگی بری طرح متاثر ہیں۔