عوام جان چکے ہیں ترقی کا سفر نواز شریف کی قیادت میں ہی طے ہوگا، ضمنی الیکشن میں کامیابی عوام کی محبت اور بھرپوراعتماد کا ثبوت ہے: مریم نواز شریف

لاہور( نمائندہ خصوصی) وزیر اعلیٰ پنجاب مریم نواز شریف نے پی پی 139 سے ضمنی انتخاب جیتنے پر رانا طاہر اقبال کو مبارکباد دی ہے- وزیراعلیٰ مریم نواز شریف نے بھرپور اعتماد کرنے پر شیخوپورہ کے عوام سے اظہار تشکرکیا اور مبارکباددی-وزیراعلی مریم نوازشریف نے کہاکہ رانا طاہر اقبال کی واضح اکثریت سے کامیابی عوام کی مسلم لیگ(ن) سے محبت اور بھرپوراعتماد کا ثبوت ہے۔ عوام جان چکے ہیں ترقی کا سفر نواز شریف کی قیادت میں ہی طے ہوگا۔وزیراعلی مریم نوازشریف نے کہاکہ چند ماہ میں دن رات محنت کرکے پنجاب میں ریکارڈ پراجیکٹس شروع کئے۔ دوسرے صوبے بھی پنجاب کے شاندار پراجیکٹس اور سکیموں کی تقلید کررہے ہیں۔