وفاقی وزیر داخلہ اور ڈی جی رینجرز پنجاب کا پمز کا دورہ،زخمی رینجرز، ایف سی اور پولیس اہلکاروں کی عیادت کی

اسلام آباد۔:وفاقی وزیر داخلہ محسن نقوی اور ڈی جی رینجرز پنجاب میجر جنرل محمد عاطف بن اکرم نے پمز کا دورہ کیا جہاں پر انہوں نے شرپسندوں کے حملے میں زخمی ہونے والے رینجرز، ایف سی اور پولیس افسران و جوانوں کی عیادت کی۔وزیرداخلہ اور ڈی جی رینجرز پنجاب فردا فردا زخمی افسران و جوانوں کے پاس گئے اور ان کی خیریت دریافت کی۔وزیرداخلہ اور ڈی جی رینجرزپنجاب نے زخمی افسران و جوانوں کے بلند حوصلے کو سراہا۔وزیرداخلہ محسن نقوی نے زخمی جوانوں کے بہترین علاج معالجے کے لئے ڈاکٹرز کو ہدایات دیں۔ وزیر داخلہ محسن نقوی نے کہا کہ آپ قوم کے ہیرو ہیں، آپ نےشرپسندوں کے عزائم ناکام بنائے، ہمیں آپ کی بہادری پر مان ہے، شرانگیزی کے باوجود آپ نے تحمل اور برداشت کا مظاہرہ کیا۔