کراچی:نیو ائیر اور کرسمس سے قبل ایک بار پھر غیر ملکی شراب کی فراہمی کے لئے مافیا سرگرم ہوگئی

کراچی ( اسٹاف رپورٹر) نیو ائیر اور کرسمس سے قبل ایک بار پھر غیر ملکی شراب فراہمی کے لیے مافیا سرگرم ہوگئی محکمہ کسٹم، محکمہ ایکسائز نارکوٹکس اور محکمہ سندھ پولیس کے اعلی افسران کی سرپرستی میں کروڑوں روپے کی منڈی سجائی جائے گی تفصیلات کے مطابق کرسمس اور نیو ائیر سے قبل ہی کراچی کے بدنام زمانہ ڈیلر شوکت، بالا، یعقوب، ابراہیم، پردیپ، سنتوش، راجو عرف حیدرآبادی، خضر، سلطان، سنیل، شاہد عرف پولیس والا، عاشق کھارادر سمیت دیگر کارندوں نے پورٹ سے کنٹینر منگوا لئے جو کہ شہر کے مختلف علاقوں کے گودام میں مال جمع کر لیا ہے غیر ملکی شراب کے داموں کے ریٹ بھی دگنے کر دیئے جائیں گے ذرائع کے مطابق یہ مافیا عرصہ 25 سالوں سے کالا دھندے کر رہے ہیں کوئی پوچھنے والا نہیں متعدد بار کسٹم ، محکمہ ایکسائز نارکوٹکس کے ادارے کارروائیوں کی یقین دیہانی کراتے ہیں کہ ان مافیا کیخلاف کارروائی کی جائے گی وہ کارروائیاں ردی کی ٹوکری کی نظر ہو جاتی ہیں نیو ائیر اور کرسمس پر نوجوان شراب پی کر لڑائی جھگڑے اور ہوائی فائرنگ کرتے دیکھتے ہیں ایسے اقدام کی روک تھام کیلئے تمام ادارے خاموش تماشائی بنے ہوئے ہیں