طارق حسن نے عبد الجبار متیلو کو ہیومن رائٹسں ونگ سندھ کا صدر مقرر کردیا

کراچی (نمائندہ خصوصی ) پاکستان مسلم لیگ (ق) سندھ کے صدر محمد طارق حسن نے کہا ہے ق لیگ صوبہ سندھ میں چوہدری شجاعت حسین کی قیادت میں ہر سطح پر فعال و منظم ہے اسں میں بتدریج اضافہ ہورہا ہے یہ باتیں انہوں نے مسلم لیگ سندھ کے جنرل سیکرٹری سرائے نیاز حسین خاصخیلی سے مشاورت سے عبد الجبار متیلو کو پاکستان مسلم لیگ ہیومن رائٹسں ونگ صوبہ سندھ کا صدر مقرر کرنے کے موقع پر کیں۔ اس موقع پر مسلم لیگ سندھ کے جنرل سیکرٹری سرائے نیاز حسین خاصخیلی نے کہا کہ مسلم لیگ ق نظریاتی جماعت ہے محمد خان ایڈوکیٹ اور نوجوان لا اسٹوڈنٹ سرفراز متیلو کو مسلم لیگ میں خوش آمدید کہتے ہیں انکو وکلاء ونگ میں عزت و مقام دینگے۔ اس موقع پر مسلم لیگ کے صوبائی سیکرٹری اطلاعات محمد صادق شیخ نے عبد الجبار متیلو کو مسلم لیگ سندھ ہیومن رائٹسں ونگ کا صدر مقرر ہونے پر دلی مبارکباد دیتے ہوئے امید کی جاتی ہے کہ عوامی حقوق کے لئے ہیومن رائٹسں کے صدر اپنا بھرپور کردار ادا کرینگے۔ اس موقع پر مسلم لیگ ق کراچی کے جنرل سیکرٹری نعیم خان نے کہا کہ تمام ونگز کے ساتھ تعاون کرہے ہیں اور مسلم لیگ کو مزید مضبوظ کررہے ہیں اس موقع پر مسلم لیگ سندھ ہیومن رائٹسں ونگ کے صدر عبد الجبار متیلو نے مسلم لیگ ق سندھ کے صدر محمد طارق حسن کا شکریہ ادا کرتے ہوئے کہا کہ انہوں نے مجھے ہیومن رائٹسں ونگ سندھ کا صدر مقرر کیا ہے إن شاءالله انکے اعتماد پر پورا اترونگا اور مسلم لیگ کے کاز کو پورا کرونگا۔ اور جج کے عہدے سے استعفی دینے کے بعد میرا مشن پاکستان کی خدمت بطور وکیل کرنا ہے۔