اسلام آباد( نمائندہ خصوصی )پاکستان تحریک انصاف کی سیاسی کمیٹی نے آئینی ترامیم کے خلاف بھرپور مزاحمت کرنے اور جمعے کو ملک گیر سطح پر شدید احتجاج کا اعلان کردیاتفصیلات کے مطاب پاکستان تحریک انصاف کی سیاسی کمیٹی کا اجلاس چیئرمین بیرسٹر گوہر کی زیر صدارت ہوا جس میں آئینی ترامیم کی بھرپور مزاحمت کا فیصلہ کیا گیا۔ اعلامیے کے مطابق آئین میں ترمیم اور بانی چیئرمین عمران خان کو بدترین سلوک کا نشانہ بنائے جانے کے خلاف جمعتہ المبارک کو ملک گیر سطح پر شدید احتجاج کا اعلان بھی کیا گیااسی کے ساتھ تمام ریجنل اور مقامی تنظیموں کو ضلعی ہیڈکوارٹرز کے باہر نماز جمعہ کے بعد پُرامن اور بھرپور احتجاج کی ہدایت کی گئی ہےاعلامیے میں کہا گیا ہے کہ آئینی ترمیم کے ذریعے دستور کو مسخ 
کرنے کی حکومتی کوشش کو کسی طور پر قبول نہیں کی جائے گی آئین کی بالادستی پر یقین رکھنے والے تمام طبقات پرامن احتجاج میں شرکت کریںاجلاس میں پارلیمان کے دونوں ایوانوں میں ترمیم کا راستہ روکنے کیلئے بھی ہر ممکن کوشش پر اتفاق کیا گیا جبکہ سیاسی کمیٹی نے عمران خان کے بنیادی حقوق کی اور ان کے اہلِ خانہ، وکلاء اور تحریکی قائدین کی رسائی کی فوری بحالی کا مطالبہ کیا۔اس کے علاوہ عمران خان کی بہنوں علیمہ خانم اور عظمیٰ خانم انتظار حسین پنجوتھہ ایڈووکیٹ اعظم سواتی اور تحریک انصاف بلوچستان کے صدر سمیت تمام گرفتار قائدین کارکنان اور اراکینِ پارلیمان کی فوری رہائی پر بھی زور دیا
پی ٹی آئی کا آئینی ترامیم کیخلاف بھرپور مزاحمت اور جمعے کو ملک گیر احتجاج کا اعلان
پچھلی پوسٹ
کے الیکٹرک کے ڈکیٹ اہلکاروں کے خلاف عدالتی ایکشن۔ مینجر بلدیہ ٹاون، انسپکٹر بلنگ، بلنگ کے عملے پر ڈکیتوں میں ملوث ہونے پر وارنٹ جاری،
اگلی پوسٹشنگھائی تعاون تنظیم سربراہ اجلاس سے پاکستان کی عالمی ساکھ اور چین، روس جیسی بڑی طاقتوں کے ساتھ تعلقات میں اضافہ ہوا ،علاقائی تعاون اور بین الاقوامی مکالمے کے عزم کو تقویت ملی، ماہرین
جواب دیں
ہماری ویب سائٹ پر تازہ ترین خبریں حاصل کریں۔
