سندھودیش روولیوشنری آرمی نے لاڑکانہ میں پیپلز پارٹی کے صدر نثار کھوڑو کے گھر پر بم حملے کی ذمہ داری قبول کر لی

 لاڑکانہ( نمائندہ خصوصی )سندھودیش روولیوشنری آرمی کے ترجمان سوڈھو سندھی بیان میں کہا ہے کہ ہماری تنظیم آج صبح لاڑکانہ میں چئیرمین پبلک اکاؤنٹس کمیٹی اور پیپلز پارٹی سندھ کے صدر سندھ نثار کھوڑو کے گھر پر ہونے والے بم دھماکے کی ذمہ داری قبول کرتی ہے-سوڈھو سندھی نے کہا ہے پاکستان پیپلز پارٹی شروع سے لیکر پاکستانی ریاست کی دلالی اور سندھ دشمن فیصلے کرتی رہی ہے۔ترجمان نے کہا ہے گرین پاکستان انیشیئیٹو اور زرعی فارمنگ کے نام پر سندھ کی زمینوں ، جزائر اور جنگلات کی نیلامی ہو یا سندھو دریا کے اوپر مختلف ڈیم اور کینال بنا کر سندھو دریا اور ڈیلٹا کو تباہ کرنے کے فیصلے ہوں پاکستان پیپلز پارٹی اور اس کی سندھ دشمن قیادت پنجاب سامراج کے ہاتھوں میں اپنے اقتدار کی لالچ میں استعمال ہوتی رہی ہے۔انہوں نے کہا پاکستان پیپلز پارٹی اپنے اقتدار اور کرسی کی لالچ میں سندھ کی روادار اور مہذب سیکیولر روح کو پنجاب کی خوشنودی اور آشیرواد سے نقصان پہنچانے میں ہمیشہ پیش پیش رہی ہے۔