لاہور( نمائندہ خصوصی)-وزیر اعلیٰ پنجاب مریم نواز شریف کی زیرِ صدارت پنجاب ہاؤسنگ اینڈ ٹاؤن پلاننگ ایجنسی (PHATA)کی گورننگ باڈی کا 99واں اجلاس منعقد ہوا جس میں رواں مالی سال کے لئے34ارب 73 کروڑ کے سرپلس بجٹ کی منظوری دی گئی۔ وزیراعلیٰ مریم نوازشریف نے پھاٹا سے پرائیویٹ پارٹنرشپ سے ہاؤسنگ پراجیکٹ مکمل کرنے کا پلان طلب کرلیا۔ اجلاس میں اپنی چھت ……اپنا گھر پروگرام کی منظوری دی گئی۔ بریفنگ میں بتایاگیا کہ اپنی چھت…… اپنا گھر پورٹل پر5لاکھ 44 ہزار لوگ پورٹل پر رجسٹرڈ ہیں۔ اپنی چھت…… اپنا گھر پروگرام میں گھر بنانے کے لئے دولاکھ80ہزار درخواستیں 
موصول ہوئی۔ اپنی چھت……اپنا گھر پروگرام کے لئے ڈرافٹ ایپلیکیشن 76ہزار سے زائد ہیں۔ گورننگ باڈی کے اجلاس میں پھاٹا کو معاہدہ سائن کرنے کی اجازت دے دی گئی۔ وزیراعلیٰ مریم نوازشریف نے درخواست دہندگان کے قواعد کی تصدیق کے عمل کوبروقت اورتیزی سے جاری رکھنے کی ہدایت کی۔ گورننگ باڈی اجلاس میں پھاٹا کے ڈیٹا انٹری آپریٹرز کے سکیل کواپ گریڈ کرنے اور پھاٹا سروسز ریگولیشن2004کے تحت سول سب انجینئر کی بھرتی کی منظوری بھی دی گئی۔ اجلاس میں بجٹ کی منظوری کابینہ کی بجائے پھاٹا گورننگ باڈی کی اجازت سے مشروط کرنے کا اصولی فیصلہ کیا گیا۔ سابق ہاؤسنگ سکیموں میں قرعہ اندازی میں نام نہ نکلنے والے درخواست دہندگان کے واجبات کی واپسی کی اجازت دے دی گئی۔ اجلاس میں پھاٹا،پی ایم یوکیلئے سٹاف ہائرنگ جاب پورٹل کے ذریعے کرنے کی منظوری دی گئی۔ وزیر اعلیٰ مریم نوازشریف نے پھاٹا کو زیر التواء ہاؤسنگ 
سکیموں کا کیس ٹو کیس جائزہ لے کر منظوری کے بارے میں فیصلہ کرنے کی ہدایت کی۔ اجلاس میں رسیدات وصولیوں کا تخمینہ 17 ارب اور اخراجات کا تخمینہ 13 -ارب 55کروڑ روپے پیش کیا گیا۔ سینیٹر پرویز رشید، سینئر منسٹر مریم اورنگزیب، وزیر اطلاعات وثقافت عظمیٰ زاہد بخاری، ایم پی اے ثانیہ عاشق جبیں،چیف سیکرٹری زاہد اختر زمان، ایس ایم بی آر نبیل جاوید، سیکرٹری ہاؤسنگ،پرنسپل سیکرٹری ڈاکٹر یاسمین حمید، انجینئر اکبر شیخ اور دیگر بھی موجود تھے۔
وزیر اعلیٰ مریم نواز کی زیرِ صدارت پھاٹاکی گورننگ باڈی کا 99واں اجلاس، 34ارب 73 کروڑ کے سرپلس بجٹ کی منظوری
اپنی چھت،اپنا گھر پروگرام کی منظوری، پھاٹا سے پرائیویٹ پارٹنرشپ سے ہاؤسنگ پراجیکٹ مکمل کرنے کا پلان طلب پھاٹا کو معاہدہ سائن کرنے کی اجازت، بجٹ کی منظوری کابینہ کی بجائے پھاٹا گورننگ باڈی کی اجازت سے مشروط کرنے کا اصولی فیصلہ سابق ہاؤسنگ سکیموں میں قرعہ اندازی میں نام نہ نکلنے والے درخواست دہندگان کے واجبات کی واپسی کی اجازت، پھاٹا،پی ایم یوکیلئے سٹاف ہائرنگ جاب پورٹل کے ذریعے کرنیکی منظوری وزیراعلیٰ مریم نوازشریف کی درخواست دہندگان کے قواعد کی تصدیق کے عمل کوبروقت اورتیزی سے جاری رکھنے کی ہدایت
