کوئٹہ ( نمائندہ خصوصی )وزیر اعلی بلوچستان میر سرفراز بگٹی سے پیر کو یہاں کراٹے کومبیٹ کے عالمی کھلاڑی شاہ زیب رند نے ملاقات کی ۔وزیر اعلی نے عالمی ریکارڈ برقرار رکھنے پر شاہ زیب رند کو مبارکباد دی اور میامی میں ہونے والے مقابلے میں 
کامیابی کیلئے نیک خواہشات کا اظہار کیا ۔ وزیر اعلی نے کہا کہ بلوچستان کے نوجوانوں کے لئے شاہ زیب رند جیسے باہمت اور باصلاحیت نوجوان مشعل راہ ہیں، وزیر اعلی نے کہا کہ بلوچستان حکومت آپ کی ہر سطح پر حوصلہ افزائی کرے گی تاکہ آپ 
عالمی سطح پر اسی طرح بلوچستان اور پاکستان کا نام روشن رکھیں ۔میر سرفراز بگٹی نے کہا کہ بلوچستان میں کھیلوں کے میدان آباد کررہے ہیں ، صوبے کی تاریخ میں پہلی بار محکمہ کھیل نے پورے سال کی سرگرمیوں کا کیلنڈر مرتب کیا ہے اور اس 
کیلنڈر کے مطابق بلوچستان کے تمام علاقوں میں کہیں نہ کہیں کھیلوں کا انعقاد ہوررہا ہوتا ہے جو ایک خوش آئند اقدام ہے ، ہم ہر باصلاحیت نوجوان کی حوصلہ افزائی کریں گے ، بلوچستان میں تعلیم کے ساتھ کھیل و دیگر صحت مندانہ سرگرمیوں کے لئے نوجوانوں کو بھرپور مواقع فراہم کئے جاررہے ہیں۔
وزیر اعلی بلوچستان سے کراٹے کومبیٹ کھلاڑی شاہ زیب رند کی ملاقات ، عالمی ریکارڈ برقرار رکھنے پر مبارکباد
جواب دیں
ہماری ویب سائٹ پر تازہ ترین خبریں حاصل کریں۔
