اسلام آباد (نمائندہ خصوصی )پاک فوج کے دستوں نے آرٹیکل 245 کے تحت اسلام آباد میں سکیورٹی کی ذمہ داریاں سنبھال لیں۔شنگھائی تعاون تنظیم(ایس سی او) کے سربراہی اجلاس کیلئے وفاقی دارالحکومت اسلام آباد میں فوج تعینات کرنے کا 
نوٹیفکیشن جاری کردیا گیا۔اس کے بعد پاک فوج کے دستوں نے اسلام آباد میں سکیورٹی کی ذمہ داریاں سنبھال لیں۔ وزارت داخلہ نے آئین کے آرٹیکل 245 کے تحت پاک فوج کی تعیناتی کے احکامات دیے۔ذرائع کے مطابق پاک فوج کے دستوں کی اسلام آباد اور گردو نواح میں تعیناتی کا عمل مکمل ہوچکا ہے۔ ذرائع نے بتایاکہ شہریوں کےجان ومال کے تحفظ،امن وامان برقرار رکھنے کیلئے 
پاک فوج کا علاقے بھر میں گشت شروع ہوگیا۔ذرائع کا کہنا ہے کہ کسی بھی شرپسند کو امن و امان تہہ و بالا کرنے کی اجازت نہیں دی جائے گی۔خیال رہے کہ شنگھائی تعاون تنظیم کے اجلاس کے باعث 5 اکتوبر سے 17 اکتوبر تک اسلام آباد میں فوج تعینات رہے گی۔
پاک فوج کے دستوں نے آرٹیکل 245 کے تحت اسلام آباد میں سکیورٹی کی ذمہ داریاں سنبھال لیں۔
وزارت داخلہ نے اسلام آباد میں فوج کی تعیناتی کا نوٹیفکیشن جاری کر دیا ، 5 اکتوبر سے 17 اکتوبر تک اسلام آباد میں سکیورٹی کے لئے فوج تعینات رہے گی ۔
