اسلام آباد۔26ستمبر (اے پی پی):صدر مملکت آصف علی زرداری نے نوابزادہ نصر اللہ خان مرحوم کے لیے نشان امتیاز کی سفارش کر دی۔صدر مملکت نے نوابزادہ نصر اللہ خان مرحوم کو جمہوریت،اتحاد اور انصاف کیلئے غیر متزلزل لگن کے اعتراف 
میں نشان امتیاز (بعد از مرگ) دینے کی سفارش کی ہے۔ ایوان صدر کے پریس ونگ کے مطابق صدر مملکت نے کابینہ ڈویژن کو ہدایت کی ہے کہ وہ ایوارڈ دینے کا عمل شروع کریں۔صدر مملکت کا کہنا تھا کہ نوابزادہ نصر اللہ ممتاز اور باوقار سیاستدان تھے۔ ان کی زندگی جمہوریت کی ترقی اور پاکستان کی سیاسی سالمیت کے لئے وقف تھی- صدرمملکت آصف علی زرداری نے کہا کہ نوابزادہ نصر اللہ خان کی بےمثال دیانت، رواداری اور جمہوری اقدار آئندہ آنے والی نسلوں کی حوصلہ افزائی کا ذریعہ ہوں گی۔ نوابزادہ نصر اللہ خان مرحوم کی کل 27 ستمبر کو 21 ویں برسی منائی جا رہی ہے۔
صدر مملکت آصف علی زرداری نے نوابزادہ نصر اللہ خان مرحوم کے لیے نشان امتیاز کی سفارش کر دی
پچھلی پوسٹ
وزیراعظم محمد شہباز شریف سے منیجنگ ڈائریکٹر آئی ایم ایف کرسٹالینا جارجیوا کی ملاقات، معاشی استحکام اور ترقی کو فروغ دینے کے لیے تعاون کو مضبوط بنانے پر اتفاق
اگلی پوسٹوزیراعظم محمد شہباز شریف اور برطانوی وزیراعظم کا پاک برطانیہ تعلقات کو مزید فروغ دینے اور مختلف شعبوں بالخصوص تجارت و سرمایہ کاری کے فروغ پر اتفاق
