گوجرانوالہ (عظمیٰ شاہین سے) علامہ اقبال ٹاؤن راہوالی گوجرانوالہ پولیس اسٹیشن کینٹ کی حدود میں جائیداد کے تنازعہ پر عباس نامی شخص نے کرایہ کے قاتلوں کے ساتھ 04 بھائیوں کو گھر کے اندر گھس کر قتل کر دیا، جن میں دو سگے بھائی حامد، 
احمد ان کے چچازاد بھائی اظہر اور ان کے بہنوئی امانت شامل ہیں، پولیس کے مطابق ملزمان اور مقتولین میں جائیداد کا تنازعہ چل رہا تھا، مقتولین کی والدہ اور رشتہ دار کی انصاف کے لیے دہائیاں، ریجنل پولیس آفیسر گوجرانوالہ نے سینیئر سپرینٹنڈنٹ 
پولیس سول لائن سے رپورٹ طلب کر لی اور سینیئر سپرینٹنڈنٹ پولیس سول لائن کو ملزمان کی جلد از جلد گرفتاری کا حکم بھی دے دیا، ریجنل پولیس آفیسر گوجرانوالہ کا کہنا ہے کہ فائرنگ کرنے والے ملزمان کو جلد از جلد گرفتار کر کے قانون کے کٹہرے میں پیش کیا جائے اور قرار واقعی سزا دلوائی جائے، کسی بھی قسم کی کوتاہی برداشت نہیں کی جائے گی.
