قائد اعظم محمد علی جناح ؒکا 76واں یوم وفات آج 11 ستمبر کو نہایت عقیدت و احترام کیساتھ منایا جا رہا ہے

کراچی( بیورو رپورٹ ): بانی پاکستان قائد اعظم محمد علی جناح ؒکا 76واں یوم وفات آج 11 ستمبر کو نہایت عقیدت و احترام کیساتھ منایا جا رہا ہے۔اس دن کی مناسبت سے کراچی سمیت ملک بھر میں سیاسی و سماجی جماعتوں کے زیر اہتمام تقاریب‘ سیمینار‘ کانفرنس اور پروگرامز کا انعقاد کیا جائیگا ،تمام مساجد میں نماز فجر کے بعد قرآن خوانی و فاتحہ خوانی کی جائیگی۔کراچی میں مراز پر قرآن خوانی ہوئی اور بابائے قوم کے لئے فاتح خوانی کی گئ اس سلسلہ میں محکمہ اوقاف نے اپنے زیر انتظام چلنے والی تمام مساجد کے علماء کرام سے کہاہے کہ وہ وفات قائد اعظم پر قرآن خوانی کا انتظام کریں-