سینیئر صحافی اسلم جنگیان انتقال کر گئے

کراچی (نمائندہ خصوصی) کراچی پریس کلب کے ممبر سینئر صحافی اسلم جنگیان کا انتقال ہو گیا ہے انا للّٰہ وانا الیہ راجعون   مرحوم کی نماز جنازہ آج صبح 10:30 بجے عید گاہ مسجد لیاری میں ادا کی جائے گی کراچی یونین آف جرنلسٹس نے سینیئر صحافی اور کراچی پریس کلب کے سینیئر ممبر اسلم جنگیان کے انتقالِ پر دلی افسوس وغم کا اظہار کیا صدر طاہر حسن خان جنرل سیکرٹری سردار لیاقت اور پوری مجلس عاملہ نے تعزیتی بیان میں کہا ھے کہ اسلم جنگیان انتہائی شریف النفس انسان تھے آزادی صحافت اور بنیادی انسانی حقوق کی ہر تحریک اور جدوجہد میں اپنا بھرپور کردار ادا کیا انکے انتقال سے کراچی یونین آف جرنلسٹس کراچی پریس کلب اور کراچی کے صحافی برادری ایک مخلص اور بااصول صحافی سے محروم ہوگئے ہیں مرحوم کا تعلق صحافی گھرانے سے تھا بھائی صدیق بلوچ مرحوم کے چھوٹے بھائی اور روزنامہ آزادی بلوچستان کے ایڈیٹر عارف بلوچ کے چچا تھے کراچی یونین آف جرنلسٹس غم کی اس گھڑی میں سوگوار خاندان کے ساتھ شامل ھے اور دعا گو ہیں کہ اللہ مرحوم کو جوار رحمت میں جگہ دے اور پسماندگان کو صبر جمیل عطا فرمائے آمین