اے این ایف نے انسانی حقوق کی آڑ میں تعلیمی اداروں کو منشیات سپلائی جیسے مکروہ دھندے میں ملوث این جی او کو بے نقاب کرتے ہوئے گروہ کو سرغنہ سمیت گرفتار کر لیا

اسلام آباد۔(نمائندہ خصوصی ):اینٹی نارکوٹکس فورس نے لانڈھی کے علاقے سے انسانی حقوق کی آڑ میں تعلیمی اداروں کو منشیات سپلائی جیسے مکروہ دھندے میں ملوث این جی او بے نقاب کرتے ہوئے انتہائی مہارت اور ٹیکنیکل بنیادوں پر ایک مضبوط گروہ کو سرغنہ سمیت گرفتار کر لیا۔ ترجمان اے این ایف کے مطابق اینٹی نارکوٹکس فورس تعلیمی اداروں کو منشیات سپلائی کرنے میں ملوث عناصر سے پاک بنانے کے لیے عملی طور پر پُرعزم ہے۔انہوں نے کہا کہ ملزمان نے کراچی کی معروف یونیورسٹیوں اور ہاسٹلز میں طلباء کو منشیات سمگلنگ کا انکشاف کیا ہے، یہ گروہ خاتون کے ذریعے کراچی،حیدرآباد اور اس کے ملحقہ علاقوں میں طلباء کو منشیات فروخت کرتا تھا۔ اے این ایف نے خفیہ اطلاع کے ذریعے ڈرگ کیرئیر خاتون کو ٹنڈو آدم سے کراچی پہنچتے ہی منشیات سمیت گرفتار کر لیا جبکہ ملزمہ کی نشاندہی پر دیگر ساتھیوں کو بھی گرفتار کر لیا گیا، ملزمہ سے 400 گرام اور ملزم سے 500 گرام ہیروئن برآمد ہوئیترجمان نے کہا کہ دونوں ملزمان سے تفتیش سے گروہ کے سرغنہ کو غیر قانونی اسلحہ اور منشیات سمیت گرفتار کر لیا،تینوں ملزمان سے 1.5 کلو گرام ہیروئن اور گاڑی کی تلاشی کے دوران مختلف پریس کارڈز ، پریس مونو گرام، جعلی نمبر پلیٹیں بھی برآمد ہو ئیں جبکہ دوران تفتیش ملزمان نے حیدرآباد میں بھی منشیات سمگلنگ کا انکشاف کیا ہے۔ انہوں نے کہا کہ دیگر ساتھیوں کی گرفتاری کے لیے چھاپے مارے جا رہے ہیں، ملزمان کے خلاف انسدادِ منشیات ایکٹ کے تحت مقدمات درج کر کے مزید تحقیقات آغاز کر دیا گیا ہے۔