کراچی (کرائم رپورٹر) تھانہ مومن آباد پولیس کی کامیاب کارروائی،صحافت کا لبادہ اوڑھے بھتہ خور،گٹکا ماوا فروش اور جعلساز عمر فاروق عرف بابو میڈیا ساتھی ملزم شاہ زیب عرف کوہستانی سمیت گرفتار، قبضے سے 530 پڑیاں (35 کلو سے زائد) مضر صحت گٹکا ماوا اور فروختگی کی رقم برآمد،مقدمہ درج،SSP ضلع ویسٹ حفیظ الرحمان بگٹی- تفصیلات کے مطابق ایس ایس پی ویسٹ کی ہدایت پر ضلع ویسٹ پولیس کی جرائم پیشہ عناصر کے خلاف تابڑ توڑ کاروائیوں کا سلسلہ برق رفتاری سے جاری ہے،ایس ایچ او مومن آباد نے اپنے اسٹاف کے ہمراہ خفیہ اطلاع پر چھاپہ مار کاروائی کے دوران صحافت کا لبادہ اوڑھے بھتہ 
خور،گٹکا ماوا فروش اور جعلساز عمر فارق عرف بابو میڈیا کو ساتھی ملزم شاہ زیب کوہستانی کے ہمراہ بھاری مقدار میں مضر صحت گٹکا ماوے سمیت رنگے ہاتھوں گرفتار کرلیا،اس ضمن میں ایس ایس پی ویسٹ حفیظ الرحمان بگٹی کا کہنا تھا کہ گرفتار ملزمان مومن آباد فرنٹیئر موڑ پر چھپ کر مضر صحت گٹکا ماوا فروخت کرتے تھے،پولیس نے خفیہ اطلاع پر کاروائی کرکے 02 ملزمان کو گرفتار کرلیا جبکہ 02 ساتھی ملزمان فرار ہوگئے۔ ایس ایس پی ویسٹ کا کہنا تھا کہ گرفتار ملزمان سے 530 پڑیاں (35 کلو سے زائد) گٹکا ماوا اور فروختگی کی رقم بھی برآمد ہوئی جبکہ ملزمان کے خلاف ضابطے کے تحت مقدمہ درج کرلیا گیا اور فرار ملزمان کی تلاش جاری ہے۔ ایس ایس پی ویسٹ حفیظ الرحمان بگٹی کا مزید کہنا تھا کہ گرفتار ملزمان میں عمر فاروق عرف بابو میڈیا اور شاہ زیب عرف کوہستانی شامل ہیں،ملزمان اس سے قبل بھی گٹکا ماوا فروشی کے مقدمات میں گرفتار ہوکر جیل جاچکے ہیں۔
