اسلام آباد۔(نمائندہ خصوصی ):آئل اینڈ گیس ریگولیٹری اتھارٹی (اوگرا)نے وفاقی حکومت کی پالیسی گائیڈ لائنز کے مطابق سوئی کمپنیوں کی اگست 2024 کے لئے ری گیسفائیڈ لیکوئڈ نیچرل گیس (آر ایل این جی) کی قیمتوں کا تعین کر کے اضافہ کر دیا ہے جس کا اطلاق یکم اگست 2024 سے ہوگا ۔ ترجمان اوگرا عمران غزنوی کےبیان کے مطابق آر ایل این جی کی قیمتوں میں اضافہ بنیادی طور پر ڈی ای ایس کی قیمت میں اضافے کی وجہ سے ہے۔انہوں نے بتایا کہ سوئی ناردرن گیس پائپ لائن لمیٹڈ (ایس این جی پی ایل) کے صارفین کے لیے گزشتہ ماہ (جولائی 2024) کے مقابلے میں آر ایل این جی کی قیمت میں 2.97 فیصد یا 
0.4038 ڈالر فی ایم ایم بی ٹی یو جبکہ سوئی سدرن گیس کمپنی لمیٹڈ (ایس ایس جی سی ایل) صارفین کے لیے قیمتوں میں جولائی 2024 کے مقابلے میں 0.4206 ڈالرفی ایم ایم بی ٹی یو یا 3.20 فیصد اضافہ ہوا ہے۔اوگرا نے منگل کو جاری اپنے نوٹیفکیشن میں ایس این جی پی ایل صارفین کے لیے آر ایل این جی کی اوسط فروخت کی قیمت 14.0065 ڈالر فی ایم ایم بی ٹی یو اور ایس ایس جی سی ایل صارفین کے لیے 13.5773 ڈالر فی ایم ایم بی ٹی یو مقرر کی ہے۔ترجمان نے کہا کہ جولائی کے مہینے کے لئے ریگولیٹر نے ایس این جی پی ایل صارفین کے لئے آر ایل این جی ڈسٹری بیوشن قیمت13.6027ڈالر / ایم ایم بی ٹی یو اور ایس ایس جی سی ایل صارفین کے لئے 13.1567 ڈالر / ایم ایم بی ٹی یو کے طور پر نوٹیفائی کی تھی۔آر ایل این جی قیمتوں کا نوٹیفکیشن اوگرا ویب سائٹ پر موجود ہے۔
اوگرا نےاگست 2024 کےلئےآر ایل این جی کی قیمتوں میں اضافہ کر دیا،نوٹیفکیشن جاری
جواب دیں
ہماری ویب سائٹ پر تازہ ترین خبریں حاصل کریں۔
