راولپنڈی:بانی تحریک انصاف عمران خان نے مشروط معافی مانگنے کا اعلان کردیا

راولپنڈی( نمائندہ خصوصی )بانی پاکستان تحریک انصاف عمران خان نے مشروط معافی مانگنے کا اعلان کردیا۔بانی پی ٹی آئی عمران خان کا کہنا ہے کہ پہلے 9 مئی کی سی سی ٹی وی فوٹیجز لائی جائیں، اگر پی ٹی آئی کے لوگ 9 مئی واقعات میں ملوث پائے گئے تو معافی مانگوں گا۔بانی پی ٹی آئی نے کہا کہ اگر پی ٹی آئی کے لوگ ملوث پائے گئے تو ان کو پارٹی سے نکالوں گا اور سزا بھی دلواؤں گا۔انہوں نے کہا کہ مجھے رینجرز نے گھسیٹا، پاکستان اور عالمی سطح پر مقبول ترین شخص کی کوئی عزت نہیں، کیا آپ کا حق نہیں کہ آپ مجھ سے معافی مانگیں۔