پاسپورٹ کی چھپائی کے عمل میں تاخیر کے مسئلہ پرجلدقابو پالیں گے، ڈائریکٹر جنرل پاسپورٹ مصطفی جمال قاضی

اسلام آباد۔(نمائندہ خصوصی ):ڈائریکٹر جنرل امیگریشن اینڈ پاسپورٹ مصطفی جمال قاضی نے کہا ہے کہ 6 نئے پرنٹرزکی خریداری کا عمل جاری ہے ، پاسپورٹ کی چھپائی کے عمل میں تاخیر کے مسئلہ پرجلدقابو پالیں گے ، ستمبر تک پاسپورٹ سے متعلق تمام مسائل حل ہوجائیں گے ۔ وہ پیر کو قومی اسمبلی کی قائمہ کمیٹی داخلہ میں بریفنگ دے رہے تھے ۔ڈی جی پاسپورٹ مصطفی جمال قاضی کا کہنا تھا کہ پاسپورٹ کی چھپائی میںتاخیرکی شکایات ہوئیں کیونکہ مشینری غیرفعال تھی، ای پاسپورٹ کی مشینری لینے کے لیے منظوری دی ہے، پاسپورٹ کی چھپائی کےلیے 6 نئے پرنٹر بھی آجائیں گے۔انہوں نے کہا کہ پاسپورٹ دفاتر میں اضافی کاؤنٹربنائے گئے ہیں، پاسپورٹ کا سسٹم 20سال پرانا تھا، 20 پرانے پرنٹر تھے جن میں سے 13 چل رہے تھے، لیمینیشن پیپرز کا مسئلہ ڈالر کی وجہ سے آرہا تھا جو حل کرلیا گیا ہے۔