اسلام آباد۔حکومت نے آئندہ 15 روز کےلیے پیٹرول اور ڈیزل کی قیمت میں اضافہ کردیا۔ پیٹرول کی قیمت میں 9 روپے99 پیسے فی لیٹر جبکہ ہائی اسپیڈ ڈیزل کی قیمت میں 6 روپے 18 پیسے فی لیٹر اضافہ کیا گیا ہے۔ وزار خزانہ نے پیٹرول اور ڈیزل کی قیمت بڑھانے کا نوٹیفکیشن بھی جاری کردیا۔اضافے کے بعد پیٹرول کی نئی قیمت 275 روپے 60 پیسے فی لیٹر جبکہ ہائی اسپیڈ ڈیزل کی نئی قیمت283 روپے 63 پیسے فی لیٹر ہو گئی۔مٹی کے تیل کی قیمت میں ایک روپے 85 پیسے فی لیٹر اضافہ کیا گیا ہے جس کے بعد مٹی کے تیل کی نئی قیمت 
183 روپے 71 پیسے فی لیٹر مقرر کردی گئی۔ لائٹ ڈیزل آئل 24 پیسے فی لیٹر مہنگا ہوکر 166 روپے 25 پیسے فی لیٹر کا ہوگیا۔ پیٹرول اور ڈیزل پر پیٹرولیم لیوی برقرار رکھی گئی ہے۔ نوٹیفکیشن کے مطابق پیٹرول اور ڈیزل پر لیوی 60 روپے فی لیٹر برقرار رہے گی۔پیٹرولیم مصنوعات کی قیمتوں میں اضافے کا اطلاق آج رات 12 بجے سے ہو گا۔
