اسلام آباد۔: (نمائندہ خصوصی )آذربائیجان کے صدر الہام علیوف نے شکرپڑیاں میں قومی یادگار شہداء پر حاضری دی،پھول چڑھائے اور دعا کی۔جمعرات کو اپنے دورہ پاکستان کے پہلے روز شکر پڑیاں مانومنٹ آمد پر پاک فوج کے چاق وچوبند دستے نے صدر الہام علیوف کو سلامی دی وفاقی وزیر داخلہ محسن نقوی مہمان صدر الہام علیوف کے ہمراہ تھے۔صدر آذربائیجان وزیر اعظم محمد شہباز شریف کی دعوت پر پاکستان کے دو روزہ دورے پر جمعرات کو اسلام آباد پہنچے ہیں۔
