اسلام آباد: (نمائندہ خصوصی ):اومان کی فضائی کمپنی سلام ایئر کی اسلام آباد کے لئے افتتاحی پرواز اسلام آباد انٹرنیشنل ایئرپورٹ پہنچ گئی۔منگل کو ترجمان سول ایوی ایشن کی جانب سے جاری بیان کے مطابق پرواز او وی 563علی الصبح 2 بجکر 55 منٹ پر اسلام آباد پہنچی۔مسقط سے اسلام آباد پہنچنے والی پرواز پر 203 افراد سوار تھے۔ترجمان کے مطابق سلام ایئر کی اسلام آباد پہنچنے والی افتتاحی پرواز کو روایتی واٹر کینن سلوٹ پیش کیا گیا۔اس موقع پ کیک کٹنگ تقریب ہوئی جس میں
اومانی سفیر اور سی او او؍ایئرپورٹ منیجر نے شرکت کی۔تقریب میں سلام ایئر انتظامیہ اور مینزیز (آر اے ایس) کے نمائندے بھی موجود تھے۔بعد ازاں پرواز 201 مسافروں کو لے کر صبح 4 بجے مسقط روانہ ہوئی۔سلام ایئر ہفتہ میں اسلام آباد اور مسقط کے درمیان پانچ پروازیں چلائے گی ۔
