کراچی (رپورٹ: مرزاافتخار بیگ) آرٹس کونسل آف پاکستان کراچی کے زیر اہتمام خالد فاطمی کی تصنیف ”نامراد کراچی“ کی تقریب رونمائی حسینہ ہال میں کی گئی جس میں صدر آرٹس کونسل محمد احمد شاہ نے خصوصی شرکت کی جبکہ صدارت شکیل عادل زادہ نے کی اظہارِ خیال کرنے والوں میں پروین راﺅ، خادم حسین سومرو، کاشف رضا، اخلاق احمد اور وقار عظیم فاطمی شامل تھے۔صدر آرٹس کونسل محمد احمد شاہ نے گفتگو کرتے ہوئے کہاکہ کتاب کا نام سن کر دل پر چوٹ سی لگتی ہے کیونکہ کراچی شہر تو سب کی مراد پوری کرتا ہے اور کراچی نے کبھی کسی کو مایوس نہیں کیا، اگر کوئی شخص ذرا بھی ہنر مند تو کراچی اس کی خالی جھولی بھر دیتا ہے لیکن یہ شہر نامراد لوگوں کو نواز کر خود زخمی ہوتا چلا گیا، انہوں نے کہاکہ ہم 
اس سال عالمی اردو کانفرنس میں ان لوگوں کو بھی یاد کریں گے جنہوں نے کراچی کے ذریعے اپنی ایک پہچان بنائی، مجلس صدارت شکیل عادل زادہ نے کہاکہ خالد فاطمی کی ناراضگی ان کی کتاب میں نمایاں ہے، اس کتاب میں انہوں نے کراچی کے بدلتے حالات کو مختلف زاویوں سے بیان کیا ہے، اخلاق احمد نے کہاکہ یہ کتاب کراچی میں تبدیلی کی واحد مثال ہے جو لوگ باہر سے آتے ہیں انہیں یہ تبدیلیاں نظر آتی ہیں کراچی میں رہنے والے اس تبدیلی سے ناآشنا ہیں، بے خوفی اور شوخی خالد فاطمی کا خاصا ہے، اس کتاب میں بہت سے ایسے موضوعات ہیں جس پر لوگ بات کرنے سے کتراتے ہیں لیکن خالد فاطمی نے بلاخوف ان باتوں کو اپنے قارئین کو پہنچایا ہے، انہوں نے کہاکہ یہ کتاب افسانوں، خاکوں، چٹکلوں اور یادوں کا مجموعہ ہے،عقیل عباس جعفری نے کہاکہ کراچی کے شہری کراچی کے مطالعے میں دلچسپی رکھتے ہیں ، کراچی اپنا خاص انداز رکھنے کی وجہ سے بہت مشہور ہے یہ کتاب کراچی کی تاریخ نہیں بلکہ کراچی کا نوحہ ہے اور اس کا نام اس بات کی عکاسی کرتا ہے ،خادم حسین سومرو نے کہاکہ خالد فاطمی نے کراچی کے ایسے مقامات کو نمایاں کیا ہے جنہیں لوگ بھول چکے ہیں، اردو ادب میں ناول اور فکشن دیکھے مگر یہ پہلی کتاب ہے جس میں سچ لکھا ہے، ہمارے ملک میں سماجی اور اخلاقی قدریں ختم ہوتی جارہی ہیں، وقار عظیم فاطمی نے کہا کہ مصنف نے چار سو صفحات پر مشتمل کتاب میں کراچی کی چار دہائیوں کا ذکر کیا ہے، ہمارے ملک میں ادیبوں کو وہ مقام نہیں دیا جاتا جس کے وہ حق دار ہیں، مردہ قومیں مرنے سے پہلے اپنے محسنوں کا جنازہ پڑھ لیتی ہیں۔
کراچی (خصوصی انٹرویو: میاں طارق جاوید) پاکستان کے عوام کو 77سال سے لوٹا جارہا ہے 77ماہ میں پاکستان کو ترقی یافتہ ممالک کی صف کھڑا کیا جا سکتا ہے ۔10 سے12ہزار ارب روپے کی بلاسود سرمایہ کاری سے پاکستان معاشی مسائل ختم ہو جائیںگے۔بجٹ خسارے 5سال میں ختم کرکے روپے کی قدر بھی ہوکرڈالر کی صرف ایک سو روپے ہوجائےگئی جبکہ پاکستان میں مہنگائی بھی 25 فیصد رہ جائے گی جبکہ ہماری ملک میں بجلی اور گیس کی قیمتوں میں کمی اور پاکستان کا سرکلر ڈیٹ ختم کیا جا سکتا ہے ان خیالات کا اظہار معروف معیشت دان محمد ہارون حسن فتہ نے www.tariqjaveed.com کو خصوصی انٹرویو دیتے ہوئے کیا۔محمد ہارون حسن فتہ نےکہا کہ 77 سالوں سے پاکستان کے وسائل کو لوٹا گیا ہے سب نےاس ملک میں ہمشہ دھاڑیاں لگائی ہیں اللّٰہ کریم نے پاکستان کو بےپناہ وسائل سے نواز ہے صرف خلوص اور نیت سے ہے ہم آئی ایم ایف ایک سال کے اندر چھٹکارا حاصل کر سکتے ہیں ۔77ماہ میں پاکستان کو ترقی یافتہ ممالک کی صف کھڑا کیا جا سکتا ہے جس سے ہمارے ملک سے مہنگائی کا خاتمہ کیا جا سکتا ہے ۔ پاکستان تمام پروڈکشن کی پیداوای لاگت میں کمی روز گارکے مواقع میں اصافہ کیا جا سکتا ہے۔10 سے12ہزار ارب روپے کی بلاسود سرمایہ کاری سے پاکستان معاشی مسائل ختم ہو جائیںگے۔بجٹ خسارے 5سال میں ختم کرکے روپے کی قدر میں بھی اصافہ ہو جائے گا ۔بہترین معاشی پالیسیوں سے ڈالر کی صرف ایک سو روپے ہوجائےگئی جبکہ پاکستان میں مہنگائی بھی 25 فیصد رہ جائے گی جبکہ ہماری ملک میں بجلی اور گیس کی قیمتوں میں کمی اور پاکستان کا سرکلر ڈیٹ ختم کیا جا سکتا ہے۔ایک سوال کے جواب میں محمد ہارون حسن فتہ نے کہا کہ بیروزگاری میں کمی سے آبادی کے سیلاب کو بھی روکا جاسکتا ہے جس کی تازہ ترین مثال بنگلہ دیش کی ہے قیام پاکستان کے وقت مشرقی پاکستان کی آبادی 7 کروڑ تھی اور مغربی پاکستان کی 5کروڑ آبادی تھی ۔بنگلہ دیش کے قیام کے بعد بیروزگاری اور غربت ختم ہوتے ہی بنگلہ دیش کی آبادی میں کمی ہوگئی ۔پاکستان میں آبادی میں بےتحاشہ اضافے کا سبب پاکستان میں بیروزگاری ہے .ایک سوال کے جواب میں محمد ہارون حسن فتہ نےکہا کہ پاکستان میں معاشی پالیسیوں کی کمی کے فقدان سےمعاشی مسائل سر اٹھائے ہوئے ہیں پاکستان کے محاصل آمدن میں اضافہ کیا جاسکتا ہے۔اللہ کریم نے ہمیں موقع دیا ہے صرف بہترین پالیسیوں اپنانے کی ضرورت ہے۔اس کے لئے ہمیں پاکستان کو ٹھیک کرنے کی بجائے خود کو ٹھیک کرنا ہے ۔اور اس قوم اور عوام کو ترقی کے معراج تک پہنچایا جا سکتا ہے
کراچی شہر نے کبھی کسی کو مایوس نہیں کیا، صدر آرٹس کونسل محمد احمد شاہ
جواب دیں
ہماری ویب سائٹ پر تازہ ترین خبریں حاصل کریں۔
