راولپنڈی پولیس کا منشیات فروشوں ، شراب سپلائرز اور ناجائز اسلحہ رکھنے والوں کے خلاف کریک ڈاؤن جاری

راولپنڈی : (نمائندہ خصوصی )۔:راولپنڈی پولیس کا منشیات فروشوں ، شراب سپلائرز اور ناجائز اسلحہ رکھنے والوں کے خلاف کریک ڈاؤن جاری ہے ، گزشتہ روز 12 ملزمان گرفتار کر کے چرس ، شراب ، اسلحہ و ایمونیشن برآمد کر لیا ، ترجمان راولپنڈی پولیس کے مطابق رتہ امرال پولیس نے ملزم عبدالکبیر سے ایک کلو 250 گرام چرس، ملزم سلیمان سے 520 گرام چرس، پیرودھائی پولیس نے ملزم سلیمان سے ایک کلو 200 گرام چرس، سول لائنز پولیس نے ملزم اختر سے 520 گرام چرس ،کلر سیداں پولیس نے ملزم احد سے 30 بور پستول معہ ایمونیشن، ملزم عاصم سے 30 بور پستول معہ ایمونیشن، ملزم دانیال سے 30 بور پستول معہ ایمونیشن، پیرودھائی پولیس نے ملزم گل اختیار سے 30 بور پستول معہ ایمونیشن، ٹیکسلا پولیس نے ملزم سراج سے 30 بور پستول معہ ایمونیشن، گوجر خان پولیس نے ملزم منیر سے 30 بور پستول معہ ایمونیشن، دھمیال پولیس نے ملزم تیمور سے 30 بور پستول معہ ایمونیشن،کہوٹہ پولیس نے ملزم واجد سے 30 بور پستول معہ ایمونیشن برآمد کر کے ملزمان کے خلاف الگ ، الگ مقدمات درج کر لیے ، ڈویژنل ایس پیز کا کہنا ہے کہ نوجوان نسل کی رگوں میں منشیات کا زہر اتارنے والے ملزمان قانون کی گرفت سے نہیں بچ سکتے ، ہوائی فائرنگ اور ناجائز اسلحہ رکھنے والوں کے خلاف کاروائیوں میں مزید تیزی لائی جا رہی ہے، ملزمان کو ٹھوس شواہد کے ساتھ چالان کر کے قرار واقعی سزا دلوائی جائے گی۔