سینئر صحافی تصدق پرویز غور ی مخصتر علالت کے بعد انتقال کرگئے

کراچی (اسٹاف رپورٹر) سینئر صحافی وینس ٹی وی کے اینکر ،کے یو جے ورکرز کی ایگزیکٹو کمیٹی کے رکن سینئر صحافی تصدق پرویز غوری مختصر علالت کے بعد انتقال کرگئے، مرحوم کی نماز جنازہ بدھ کو جامعہ بنوریہ ٹائون میں ادا کی گئی جس میں عزیزو اقارب، صحافیوں اور دوستوں نے شرکت کی۔ مرحوم کی تدفین میوہ شاہ قبرستان میں ہوئی۔ دریں اثناء پی ایف یو جے کے قائم مقام صدر راٹھور، نائب صدر ڈاکٹرسعدیہ کمال، سیکرٹری جنرل شاہد علی، ایگزیکٹو کمیٹی کے رکن تحسین عباسی، کے یو جے ورکرز کے صدر شکیل یامین کانگا، سینئر نائب صدر کامران زہری، نائب صدر قیصر محمود، جنرل سیکرٹری سید صابر علی، خازن جعفر حسین اور اراکین مجلس عامہ، ایپنک کے سیکرٹری جنرل دارا ظفر، وائس چیئرمین رانا یوسف ،منیر کھوکھر، پروڈیوسر سہیل کاشمیری، صحافی وسیم خان، اسلم چوہدری،ڈی پی او فیروز یوسف ، شاہد اوردیگر نے تصدق غوری کے انتقال پر تعزیت کا اظہار کرتے ہوئے ان کی مغفرت اور بلند درجات کی دعا کی۔