کراچی(نمائندہ خصوصی ):تھانہ موچکو پولیس نے حب ریور روڈ پر کارروائی کرتے ہوئے سمگلنگ میں ملوث 2مبینہ ملزمان کو گرفتار کرکے سمگل شدہ لاکھوں روپے مالیت کے کپڑے سے لوڈ 2 کاریں پکڑلیں۔اتوار کو ایس ایس پی کیماڑی، کیپٹن(ر)فیضان علی کے مطابق گرفتار ملزمان میں شہروز بلوچ اور ذیشان شامل ہیں۔ گرفتار ملزمان نان کسٹم پیڈ غیرملکی کپڑا بلوچستان سے کراچی اسمگل کررہے تھے، پولیس نے گرفتار ملزمان سمیت پکڑی گئی گاڑیوںاوراسمگل شدہ کپڑے کے 97عددتھان کوکسٹم حکام کے حوالے کردیاہے۔
