وزیراعظم شہباز شریف کی پاکستانی نوجوان اسرار خان کو آکسفورڈ یونین کا صدر منتخب ہونے پر دلی مبارکباد

اسلام آباد(نمائندہ خصوصی )وزیراعظم محمد شہباز شریف نے پاکستانی نوجوان اسرار خان کو 2025 کیلئے آکسفورڈ یونین کا صدر منتخب ہونے پر دلی مبارکباد پیش کرتے ہوئے کہا ہے کہ انہوں نے پوری قوم کا سر فخر سے بلند کر دیاہے۔پیر کو سماجی رابطے کی ویب سائٹ ایکس پر پوسٹ میں انہوں نے کہا کہ وہ اسرار خان کو ہیلری ٹرم 2025 کیلئے آکسفورڈ یونین کا صدر منتخب ہونے پر دلی مبارکباد پیش کرنے میں پاکستانی عوام کے ساتھ شامل ہیں۔یہ بلوچستان، پاکستان کے ایک طالب علم کے لیے بہت بڑی کامیابی ہے جبکہ محنت اور استقامت کی روشن مثال ہے۔وزیراعظم نے کہا کہ انہوں نے پوری قوم کا سر فخر سے بلند کر دیا، ان کی اس مدت کیلئے نیک خواہشات کا اظہار کرتا ہوں۔