اسلام آباد(نمائندہ خصوصی )محب وطن صحافیوں کے ہردلعزیز سردار چنگیز خان جدون نے کہا ہے کہ پیٹریاٹک جرنلسٹس الائنس آف پاکستان ہتک عزت قانون کو مسترد کرتا ہے، محب وطن صحافی رات کی تاریکی میں منظورکردہ کسی کالے قانون کو نہیں مانتے، آئینی گورنر پنجاب کے بیرون ملک دورے کے موقع پر قائم مقام گورنر کا ہتک عزت بل پر دستخط کرنا آزادی اظہار رائے پر 
پابندی کے مترادف ہے۔محب وطن صحافیوں کے ہردلعزیز سردار چنگیز خان جدون نے اتوار کو وفاقی دارالحکومت کے ایک نجی مقام پر جڑواں شہروں کی چیدہ چیدہ نمایاں شخصیات کے وفد سے ملاقات کرتے ہوئے کہا کہ ہتک عزت کا قانون آزادی اظہار رائے کے آئینی حق پر ایک مذموم حملہ ہے، تمام صحافی تنظیموں نے اسے انسان دشمن قانون قرار دیا ہے، محب وطن صحافیوں کی نمائندہ تنظیم سیاہ قانون کے خلاف صحافیوں، سول سوسائٹی اور تمام مکاتب فکر سے مشاورت کرکے تحریک چلائے گی۔ اس موقع پر نمائندہ وفد نے چنگیز خان جدون کو طویل گفت و شنید کے بعد کالے قانون کے خلاف پر امن جمہوری مزاحمت کی قیادت کیلئے آمادہ کرلیا، محب وطن صحافیوں کے ہردلعزیز سردار اس حوالے سے عید الضحیٰ کے بعد باضابطہ اعلان کریں گے۔
محب وطن صحافیوں کا ہتک عزت کے کالے قانون کے خلاف عیدالاضحی کے بعد پُرامن تحریک چلانے کا فیصلہ،
محب وطن صحافیوں کے ہردلعزیز سردار چنگیز خان جدون طویل گفت و شنید کے بعد تحریک کی قیادت کرنے پر آمادہ، جڑواں شہر کی نمایاں شخصیات کے وفد سے اہم ملاقات، باضابطہ اعلان عنقریب متوقع*
پچھلی پوسٹ
بی آئی ایس پی قسط کی شفاف ادائیگی کے لئے بنک اکائونٹس کی طرف جا رہے ہیں ،چیئر پرسن روبینہ خالد
اگلی پوسٹضلع لکی مروت میں شہید ہونے والےکیپٹن محمد فراز الیاس، صوبیدار میجر محمد نذیر، لانس نائیک محمد انور، لانس نائیک حسین علی ، سپاہی اسد اللہ ، سپاہی منظور حسین اور سپاہی راشد محمود کی نماز جنازہ بنوں میں ادا کر دی گئی
جواب دیں
ہماری ویب سائٹ پر تازہ ترین خبریں حاصل کریں۔
