وزیرِ اعظم محمد شہباز شریف اپنے دورہ چین کے تیسرے مرحلے میں شی آن پہنچ گئے

شی آن (نمائندہ خصوصی )وزیرِ اعظم محمد شہباز شریف اپنے دورہ چین کے تیسرے مرحلے میں شی آن پہنچ گئے۔جمعہ کو وزیراعظم آفس کے میڈیا ونگ سے جاری کردہ بیان کے مطابق شی،آن پہنچنے پر شانشی صوبے کے نائب گورنر چَھن چُھن جیانگ اور اعلیٰ چینی سفارتی عملے کے ساتھ ساتھ اعلیٰ پاکستانی سفارتی اہلکاروں نے وزیرِ اعظم اور پاکستانی وفد کا پر تپاک استقبال کیاوزیرِ اعظم اپنے دورہ شی آن کے دوران صوبہ شانشی کی اعلیٰ پارٹی قیادت سے ملاقات کریں گے۔اس کے علاوہ جدید زراعت کے حوالے سے قائم ادارے، یانگلنگ انسٹی ٹیوٹ کا دورہ کریں گے۔ وزیرِ اعظم کے ہمراہ پاکستانی وفد میں وفاقی وزراخواجہ محمد آصف،احسن اقبال، محمد اورنگزیب، ڈاکٹر مصدق ملک، عطاء اللہ تارڑ، رانا تنویر حسین اور سردار اویس خان لغاری شامل ہیں۔