کراچی(نمائندہ خصوصی )سیلانی کے تحت ملک کی سب سے بڑی اجتماعی قربانی میں حصہ لینے کے لیے پاکستان کے علاوہ 20 سے زائد دیگر ممالک میں مقیم مسلم کمیونٹی نے سیلانی انٹرنیشنل ویلفیئر ٹرسٹ سے رابطہ کرلیا۔انفرادی و اجتماعی قربانی کا سلسلہ عید 
الاضحی کے تینوں دن جاری رہے گا۔تفصیلات کے مطابق سیلانی کے شفاف،منظم اور شرعی تقاضوں کے عین مطابق اجتماعی قربانی کے نظام کو پاکستان کے علاوہ بیرون ملک مقیم پاکستانیوں اور مسلم کمیونٹی کی جانب سے پذیرائی کا سلسلہ جاری ہے۔اب تک ہونے والی بکنگ کے نتیجے میں کراچی،حیدرآباد،لاہور اسلام آباد سمیت دیگر بڑے شہروں میں ہزاروں گائیں اور بکرے خرید کر متعلقہ عارضی کیٹل فارم ہاؤسز میں باندھ دیے گئےہیں،جہاں سیلانی کے رضاکار 24 گھنٹے شفٹوں کی بنیاد پر ان جانوروں کی دیکھ بھال میں مصروف 
ہیں جبکہ ویٹرنری ڈاکٹر کی خدمات بھی حاصل کی گئی ہیں جو قربانی کے دن تک جانوروں کی صحت کی دیکھ بھال اور ویکسینیشن میں مصروف ہیں۔سیلانی نے اس سال گائے کا فی حصہ 16 ہزار (مکمل فی سبییل اللہ)19 ہزار (10 کلو گوشت حصہ لینے والے کے لیے)اور بکرے کی قیمت 26 ہزار روپے رکھی ہے جس کا 7 کلو گوشت حصہ لینے والے کو دیا جائے گا۔سیلانی کے بانی اور چیئرمین مولانا محمد بشیر فاروق قادری کے مطابق ان بڑے شہروں کے مضافات میں لاکھوں ایسے گھرانے موجود ہوتے ہیں جن تک عام مسلمانوں کی جانب سے قربانی کا گوشت نہیں پہنچ پاتا،سیلانی کے رضاکار عید کے تینوں دن مضافاتی علاقوں اور غریب بستیوں میں غرباء ارو مساکین میںانفرادی و اجتماعی قربانی کا گوشت پہنچائیں گےاور غریبوں کو بھی عید کی خوشیوں میں شامل کریں گے۔انہوں نے عوام سے اپیل کی ہے کہ قربانی کا گوشت اصل مستحقین تک پہنچانے کے لیے سیلانی کے بکنگ مراکز سے رابطہ کریں ۔
