راولپنڈی۔(نمائندہ خصوصی ):ترکیہ کے چیف آف جنرل اسٹاف جنرل متین گورک نےنیول ہیڈکوارٹرز اسلام آباد کا دورہ کیا اورچیف آف نیول اسٹاف ایڈمرل نوید اشرف سے ملاقات کی۔جمعہ کو آئی ایس پی آر کے مطابق ملاقات کے دوران بحری تعاون اور جہاز رانی سمیت دو طرفہ امور اور خطے کی بحری صورتحال پر تبادلہ خیال کیا گیا۔ترک جنرل نے خطے کے بحری امن و استحکام کو یقینی بنانے کیلئے پاک بحریہ کے کردار کو سراہا۔
