پشاور۔ (نمائندہ خصوصی ):وفاقی وزیر برائے سیفران اور امور کشمیر و گلگت بلتستان انجینئر امیر مقام نے بلوچستان کے علاقے نوشکی میں فائرنگ سے 11 افراد کے قتل کی مذمت کرتے ہوئے قیمتی جانوں کے ضیاع پر افسوس کا اظہار کیا ہے۔اپنے مذمتی بیان میں وفاقی وزیر انجینئر امیر مقام نے کہا کہ بے گناہ اور معصوم انسانوں کے قاتل انسان کہلانے کے بھی مستحق نہیں، قیمتی جانوں کے ضیاع پر بہت افسوس ہوا۔وفاقی وزیر نے دعا کی کہ اللہ تعالیٰ جاں بحق ہونے والوں کو اپنے جوار رحمت میں جگہ دے اور پسماندگان کو یہ ناقابل تلافی صدمہ صبر و استقامت سے برداشت کرنے کی توفیق عطا کرے۔ وفاقی وزیر نے کہا کہ واقعے میں ملوث افراد انسانیت کے دشمن ہیں۔ قرآن مجید میں ارشاد ہے جس نے ایک انسان کا قتل کیا گویا اس نے پوری انسانیت کا قتل کیا۔ وفاقی وزیر نے کہا کہ ملک و انسانیت کے دشمنوں سے آہنی ہاتھوں سے نمٹا جائے گا۔
