کراچی۔ (نمائندہ خصوصی )گورنر سندھ کامران خان ٹیسوری کی چاند رات کو طارق روڈ آمد ،اس موقع پر گورنر سندھ شہریوں میں گھل مل گئے، گورنر سندھ نے زاہد نہاری پر صحافیوں کے ہمراہ نہاری بھی کھائی۔ گورنر سندھ کامران خان ٹیسوری نے میڈیا سے گفتگو کرتے ہوئے کہا کہ عید الفطر کا چاند آج نظر آیا، آپ سب کو عید الفطر کی مبارکباد پیش کرتا ہوں۔ انہوں نے کہا کہ آج میں نے زینب مارکیٹ اور حیدری مارکیٹ کا بھی دورہ کیا۔انہوں نے مزید کہا کہ عید کی خوشیوں میں عوام کو ساتھ لیکر چلنا ہے، آج ہر شخص کما بھی رہا ہے کھا بھی رہا ہے، ہمیں مل جل کر پاکستان میں استحکام لانا ہے۔انہوں نے مزید کہا کہ تمام میڈیا اور سوشل میڈیا کے نمائندوں کا شکریہ ادا کرتا ہوں کیونکہ ان سب لوگوں نے مل کر محنت کی ہے اور یہ بات کسی سے ڈھکی چھپی نہیں ہے کہ ظفر عباس خوشیاں باٹنے کے لیئے بہت متحرک ہے۔ گورنر سندھ نے کہا کہ عید پر عیدی ہر آنے والے کو دونگا ، جبکہ پچاس ہزار راشن بیگز بھی د یئے جائیں گے۔
