راولپنڈی (نمائندہ خصوصی )۔سابق وزیراعظم اور پاکستان پیپلز پارٹی (پی پی پی) کے بانی شہید ذوالفقار علی بھٹو کی 45ویں برسی کل(جمعرات کو) منائی جائے گی۔پی پی پی سٹی چیپٹر کے صدر راجہ کامران حسین نے اے پی پی سے گفتگو کرتے ہوئے کہا کہ پیپلز پارٹی کے زیر اہتمام جناح پارک میں ذوالفقار علی بھٹو کی روح کے ایصال ثواب کیلئے قرآن خوانی سہ پہر 3 بجے ہو گی جبکہ اجتماعی فاتحہ خوانی شام 5 بجے ہوگی۔تقریب میں مقامی قیادت شرکت کرے گی اور شہید ذوالفقار علی بھٹو کے کارناموں پر روشنی ڈالی جائے گی جنہوں نے ملک میں جمہوریت کے لیے جدوجہد کی اور پاکستانی عوام کے لیے اپنی جان کا نذرانہ پیش کیا۔
