سیمنٹ کی ریٹیل قیمت میں ایک ہفتہ کے دوران معمولی کمی ریکارڈ

اسلام آباد(نیوز ڈیسک)ملک میں سیمنٹ کی ریٹیل قیمت میں گزشتہ ہفتے کے دوران معمولی کمی ریکارڈ کی گئی۔ پاکستان کے ادارہ برائے شماریات کی جانب سے جاری اعدادوشمارکے مطابق 28 مارچ کوختم ہونے والے ہفتے میں ملک کے شمالی علاقوں میں سیمنٹ کی فی بوری کی اوسط ریٹیل قیمت 1229 روپے ریکارڈکی گئی جوپیوستہ ہفتے کے مقابلہ میں 0.08 فیصدکم ہے،پیوستہ ہفتہ میں ملک کے شمالی علاقوں میں سیمنٹ کی فی بوری کی اوسط ریٹیل قیمت 1230 روپے ریکارڈکی گئی تھی۔اسی طرح 28 مارچ کوختم ہونے والے ہفتے میں ملک کے جنوبی علاقوں میں سیمنٹ کی فی بوری کی اوسط ریٹیل قیمت 1205 روپے ریکارڈکی گئی جوپیوستہ ہفتہ میں بھی 1205 روپے تھی، اعدادوشمارکے مطابق گزشتہ ہفتے کے دوران اسلام آبادمیں سیمنٹ کی فی بوری کی اوسط ریٹیل قیمت 1210 روپے، راولپنڈی 1199 روپے، گوجرانوالہ 1250 روپے،سیالکوٹ 1250 روپے، لاہور1280 روپے، فیصل آباد1250 روپے، سرگودھا 1230 روپے، ملتان 1234 روپے، بہاولپور1250 روپے، پشاور1201 روپے اوربنوں میں سیمنٹ کی فی بوری کی اوسط ریٹیل قیمت 1180 روپے ریکارڈکی گئی۔ اسی طرح کراچی میں سیمنٹ کی فی بوری کی اوسط ریٹیل قیمت 1171 روپے، حیدرآباد1180 روپے،سکھر1300 روپے، لاڑکانہ 1173 روپے، کوئٹہ 1210 روپے اورخضدارمیں سیمنٹ کی فی بوری کی اوسط ریٹیل قیمت 1197 روپے ریکارڈ کی گئی۔