کراچی(نمائندہ خصوصی) عافیہ موومنٹ کی رہنما اور ملک کی معروف نیورو فزیشن ڈاکٹر فوزیہ صدیقی نے تمام عالم اسلام کو رمضان کی مبارکباد دیتے ہوئے اپیل کی ہے کہ سحری، افطاری ، تراویح اور رمضان المبارک 
کی تمام عبادتوں کی دعاﺅں میں ڈاکٹر عافیہ کو یاد رکھیں۔ غزہ میں ہمارے فلسطینی بھائی بہن یہ رمضان المبارک انتہائی مشکل حالات میں گزاریں گے، ان کے لیے بھی خصوصی دعائیں کی جائیں۔ انہوں نے کہا کہ ڈاکٹر عافیہ کے وکیل کلائیو اسمتھ نے امید دلائی ہے کہ اگر حکومت پاکستان اور وزارت خاجہ کی طرف سے مطلوبہ مدد مل گئی تو وہ کوشش کریں گے کہ اس سال کے اختتام تک عافیہ رہائی پاکر وطن واپس لوٹ آئیں۔ عافیہ 
موومنٹ میڈیا سیل سے جاری کردہ بیان میں انہوں نے کہا کہ الحمدللہ، ڈاکٹر عافیہ کے صاحبزادے ڈاکٹر احمد اس سال بھی گھر پر نماز تراویح پڑھائیں گے۔ انہوں نے کہا میں ائمہ کرام اور پوری قوم سے اپیل کرتی ہوں کہ ڈاکٹر عافیہ کی رہائی کے ساتھ غزہ اور کشمیر کے مسلمانوں کی آزادی، عالم اسلام اور پاکستان میں ،امن اور استحکام ، ترقی اور خوشحالی کے لئے بھی خصوصی طور پر دعاﺅں کا اہتمام کریں۔
رمضان المبارک کی دعاﺅں میں ڈاکٹر عافیہ اور اہل غزہ کو یاد رکھیں : ڈاکٹر فوزیہ صدیقی
ڈاکٹر عافیہ کے صاحبزادے ڈاکٹر احمد اس سال بھی گھر پر نماز تراویح پڑھائیں گے کلائیو اسمتھ کو حکومت سے مطلوبہ مدد مل گئی تو اس سال عافیہ کی رہائی ممکن ہو سکتی ہے
