محکمہ تعلیم سندھ نے میٹرک بورڈ کے مئی میں اور انٹرمیڈیٹ کے امتحانات مئی کے آخری ہفتے میں لینے کا فیصلہ

کراچی(نمائندہ خصوصی) محکمہ تعلیم سندھ نے میٹرک بورڈ کے امتحانات مئی میں اور انٹرمیڈیٹ کے امتحانات مئی کے آخری ہفتے میں لینے کا فیصلہ کرلیا۔تفصیلات کے مطابق محکمہ تعلیم سندھ نے نئے تعلیمی سال 2024-2025 میں تبدیلیاں کردی اور شیڈول تیار کر لیا۔جس کے تحت نویں اور دسویں جماعت کے بورڈ کے امتحانات مئی میں لیے جائیں گے جبکہ گیارہویں اور بارہویں جماعت کے امتحانات مئی کے آخری ہفتےمیں لینے کا فیصلہ کیا گیا ہے۔محکمہ تعلیم سندھ کا کہنا تھا کہ میٹرک کے نتائج کا اعلان 31 جولائی تک کرنے کا فیصلہ کیا گیا ہے جبکہ انٹر کے نتائج کا اعلان 31 اگست تک کیا جائے گا۔محکمہ تعلیم سندھ نے تعطیلات کے حوالے سے کہا کہ موسم گرما کی تعطیلات یکم جون سے 31جولائی تک جبکہ موسم سرما کی تعطیلات 21 دسمبر سے 31 دسمبر تک ہوں گی