ایم کیوایم پاکستان کا ڈاکٹر موہن منجیانی سے استعفا پر الیکشن کمیشن کا قومی اسمبلی کی مخصوص نشستوں کا نوٹیفکیشن معطل

 کراچی( بیورو رپورٹ )ایم کیوایم پاکستان کی قیادت نے حساس اداروں کی رپورٹ پر ڈاکٹر موہن منجیانی سے استعفا طلب کرلیا ہے۔الیکشن کمیشن نے قومی اسمبلی کی مخصوص نشستوں پر موہن منجیانی کا نوٹیفکیشن معطل کر دیا ہے۔الیکشن کمیشن کی جانب سے قومی اسمبلی میں غیرمسلموں کیلئے مخصوص نشستوں سے موہن منجیانی کا نوٹیفکیشن نامعلوم وجوہات کی بناء پر معطل کیا گیا جو تاحکم ثانی معطل رہے گا
ذرائع کے مطابق ڈاکٹر موہن کی بھارتی سفارت خانے میں سرگرمیاں دیکھی گئیں، ان کی پاکستان سے نیو دہلی میں کی گئی کئی کالز بھی ٹریس ہوئیں۔ذرائع کا کہنا ہے کہ موہن منجیانی کی جانب سے بھارتی خفیہ ایجنسی را کے سیکرٹری روی سنہا کو کالز کی گئیں،ان کے گھر سے حساس دستاویزات برآمد ہوئے ہیں