کراچی(نمائندہ خصوصی) ایسوسی ایشن آف بلڈرز اینڈ ڈیولپرز(آباد) کے چیئرمین آصف سم سم،سینئر وائس چیئرمین ابراہیم ایس حبیب،وائس چیئرمین زیشان صدیقی اور چیئرمین سدرن ریجن مصطفی شیخانی نے سید مراد علی شاہ کو وزیراعلیٰ سندھ منتخب ہونے پر مبارکباد دیتے ہوئے کہا ہے کہ مسلسل تیسری بار وزیراعلیٰ سندھ منتخب ہونا نہ صرف ان کی قائدانہ صلاحیتوں کا منہ بولتا ثبوت ہے بلکہ عوام کی طرف سے ان پر کیے گئے اعتماد کی بھی عکاسی کرتا ہے۔ سید مراد علی شاہ کی صوبے کے عوام اور صوبے کی معاشی ترقی کے لیے خدمات کے صلے میں عوام نے انھیں اور ان کی پارٹی پیپلز پارٹی کو بھرپور مینڈیٹ دیا ہے۔آصف سم سم نے کہا کہ وزیر اعلیٰ سید مراد علی شاہ سندھ کی اقتصادی ترقی کو آگے بڑھانے،روزگار کے مواقع پیدا کرنے اور تعمیراتی شعبے کی راہ میں حائل رکاؤٹوں کو ختم کرنے میں حسب روایت اپنا کردار ادا کرتے رہیں گے۔آصف سم سم نے کہا کہ کسی بھی ملک میں تعمیراتی صنعت معیشت کی ریڑھ کی ہڈی سمجھی جاتی ہے،انھوں نے امید ظاہر کی کہ وزیراعلیٰ سید مراد علی شاہ تعمیراتی شعبے کے اندر موجود مواقع سے فائدہ اٹھانے کیلیے حکومتی پالیسیوں میں اسٹیک ہولڈرز کو اعتماد میں لیں گے۔انھوں نے کہا کہ تعمیراتی صنعت کے فروغ کے لیے وزیراعلیٰ سندھ کو ضروری اقدامات اٹھانے ہوں گے تاکہ صوبے میں بے روزگاری کا خاتمہ ممکن ہوسکے۔چیئرمین آباد نے کہا کہ صوبے کی خوشحالی کے لیے ضروری ہے کہ تعمیراتی شعبے میں سرمایہ کاری کرنے والے سرمایہ کاروں کا اعتماد بحال کیا جائے اور اس کے لیے ضروری ہے کہ سندھ ریونیو ڈیپارٹمنت،ایس بی سی اے،واٹربورڈ اور دیگر سرکاری محکموں میں تعمیراتی منصوبوں کے لیے سازگار ماحول پیدا کیا جائے جس سے نہ صرف سندھ کی معاشی ترقی کو فروغ ملے گا بلکہ شہریوں کو عالمی میعار کی رہائشی سہولتیں بھی میسر آئیں گی۔ آصف سم سم نے آخر میں ایک بار پھر سید مراد علی شاہ کو وزیراعلیٰ سندھ بننے پر مبارباد دیتے ہوئے امید کا اظہار کیا کہ وزیراعلیٰ سندھ تعمیراتی شعبے کو آگے بڑھاتے ہوئے صوبے کی ترقی کیلیے تعاون کرتے رہیں گے اور اس سلسلے میں آباد کی وزیراعلیٰ سندھ اور صوبائی حکومت سے بھرپور تعاون کرے گی۔
آباد کی مراد علی شاہ کو وزیراعلیٰ سندھ منتخب ہونے پر مبارکباد
سید مراد علی شاہ کا مسلسل تیسری بار وزیراعلیٰ سندھ منتخب ہونا نہ صرف ان کی قائدانہ صلاحیتوں کا منہ بولتا ثبوت ہے بلکہ عوام کی طرف سے ان پر کیے گئے اعتماد کی بھی عکاسی کرتا ہے۔ صوبے کے عوام اور صوبے کی معاشی ترقی کے لیے خدمات کے صلے میں عوام نے انھیں اور ان کی پارٹی پیپلز پارٹی کو بھرپور مینڈیٹ دیا ہے۔آصف سم سم۔سینئر وائس چیئرمین ابراہیم ایس حبیب،وائس چیئرمین زیشان صدیقی اور چیئرمین سدرن ریجن مصطفی شیخانی
